சிவகார்த்திகேயன் படத்தில் இணைந்த தெலுங்கு திரையுலக பிரபலம்
- IndiaGlitz, [Friday,October 14 2016]
சிவகார்த்திகேயன் நடித்த 'ரெமோ' திரைப்படம் உலகம் முழுவதும் இரண்டாவது வெற்றிகரமான வாரமாக ஓடிக்கொண்டிருக்கும் நிலையில் அவர் நடிக்கவுள்ள அடுத்த படத்தின் படப்பிடிப்பு வரும் நவம்பர் 11ஆம் தேதி ஆரம்பமாகவுள்ளது என்பதை ஏற்கனவே பார்த்தோம்.
சிவகார்த்திகேயனுடன் நயன்தாரா, பஹத் பாசில், சினேகா, சதீஷ், ஆர்.ஜே.பாலாஜி, பிரகாஷ்ராஜ், ரோஹினி, தம்பி ராமையா மற்றும் பலர் இந்த படத்தில் நடிக்கவுள்ளனர். அனிருத் இசையமைக்கவுள்ள இந்த படத்தை மோகன்ராஜா இயக்கவுள்ளார்.
இந்நிலையில் இந்த படத்தில் தெலுங்கு திரையுலகின் முன்னணி காஸ்ட்யூம் டிசைனர் நீராஜா கோனா தற்போது இணணந்துள்ளார். தெலுங்கு திரையுலகின் முன்னணி நடிகர்கள், நடிகைகளுடன் பணியாற்றிய இவர் பணிபுரியும் முதல் தமிழ்ப்படம் இதுதான் என்பது குறிப்பிடத்தக்கது. இந்த படத்தில் பணிபுரிவது தனக்கு மிகுந்த மகிழ்ச்சியை கொடுத்துள்ளதாக நீரஜா தனது சமூக வலைத்தளத்தில் தெரிவித்துள்ளார்.