టాలీవుడ్ హీరోలంతా ఒకే వేదికపై కలిసిన వేళ..!
- IndiaGlitz, [Saturday,September 14 2019]
టాలీవుడ్ హీరోలు చాలా ఫ్రెండ్లీగా ఉంటారన్న విషయం తెలిసిందే. ప్రిరిలీజ్ ఈవెంట్స్‌, సినిమా థియేటర్లలో, జిమ్‌లలో, విదేశీ యాత్రల్లో కలుస్తుంటారు. అంతేకాదు.. ఒక హీరో ఇంట్లో ఏమైనా చిన్నపాటి ఫంక్షన్‌ జరిగినా నటీనటులందరూ కలుస్తుంటారు. ఒక్క మాటలో చెప్పాలంటే దాదాపు పొరపచ్చాలు లేకుండా అంతా కలివిడిగా ఉంటారు. తాజాగా.. టాలీవుడ్ యంగ్ హీరోలిద్దరూ కలిశారు.
యాక్షన్ హీరో గోపీచంద్ ఇంట్లో జరిగిన ఓ ఈవెంట్‌‌లో యంగ్ రెబల్‌స్టార్ ప్రభాస్‌, స్టైలిష్ స్టార్ అల్లు అర్జున్‌లు హాజరయ్యారు. శనివారం నాడు గోపీచంద్ తనయుడు వియాన్స్‌ ఫస్ట్ బర్త్ డేను గ్రాండ్‌గా సెలబ్రేట్ చేశాడు. ఈ వేడుకకు హాజరుకావాలని గోపీచంద్.. అందరినీ ఆహ్వానించారు. ఆయన పిలుపు మేరకు.. ప్రభాస్‌, అల్లు అర్జున్‌, మంచు విష్ణు, రామ్‌, తేజ, బోయపాటి శ్రీను, సంపత్‌ నంది, వంశీ పైడిపల్లి తదితర ప్రముఖులు విచ్చేశారు.
ఇదిలా ఉంటే.. గోపీచంద్ టైటిల్ పాత్రలో నటిస్తోన్న స్పై థ్రిల్లర్ ‘చాణక్య’. అన్ని కార్యక్రమాలను పూర్తి చేసి సినిమాను సెప్టెంబర్‌ చివరలో విడుదల చేయాలని దర్శకనిర్మాతలు ప్లాన్ చేస్తున్నారు. ఈ సినిమాలో గోపీచంద్ సరసన మెహరీన్ హీరోయిన్‌గా నటిస్తోంది.