நடிகர் சூர்யா ரசிகர்களுக்கு இன்று மாலை 6 மணிக்கு செம அப்டேட் வெளியாக இருப்பதை அடுத்து அவர்களுக்கு இன்று கொண்டாட்டமாக இருக்கும் என்று எதிர்பார்க்கப்படுகிறது.

சூர்யா நடிப்பில் சிறுத்தை சிவா இயக்கத்தில் உருவாகியுள்ள ’கங்குவா’ படத்தின் படப்பிடிப்பு முடிவடைந்து தொழில்நுட்ப பணிகள் இறுதி கட்டத்தில் இருப்பதாக கூறப்படுகிறது.

இந்த நிலையில் சூர்யாவின் அடுத்த படத்தை கார்த்திக் சுப்புராஜ் இயக்க இருக்கும் நிலையில் இந்த படத்தின் படப்பிடிப்பு அந்தமான் தீவில் நடைபெற இருப்பதாகவும் ஜூன் முதல் வாரம் நடைபெற இருக்கும் இந்த படப்பிடிப்புக்காக இன்னும் ஓரிரு நாளில் சூர்யா உள்பட படக்குழுவினர் அந்தமான் செல்ல இருப்பதாகவும் கூறப்படுகிறது.

இந்த நிலையில் சற்றுமுன் சூர்யாவின் 2டி எண்டர்டெயின்மெண்ட் நிறுவனத்தின் சமூக வலைதள பக்கத்தில் இன்று மாலை 6 மணிக்கு ’சூர்யா 44’ படத்தின் சூப்பர் அப்டேட் வெளியாக இருப்பதாக அறிவிக்கப்பட்டுள்ளது. இந்த படத்தில் நடிக்கும் நட்சத்திரங்கள் குறித்த அறிவிப்பு இன்று வெளியாக இருப்பதாக அறிவிக்கப்பட்டுள்ள நிலையில் அனேகமாக இந்த படத்தின் டைட்டிலுடன் கூடிய ஃபர்ஸ்ட்லுக் போஸ்டர் வெளியாகலாம் என்று எதிர்பார்க்கப்படுவதால் சூர்யா ரசிகர்கள் குஷியில் உள்ளனர்.

2டி எண்டர்டெயிமெண்ட் மற்றும் ஸ்டோன் பெஞ்ச் நிறுவனங்கள் இணைந்து தயாரிக்கும் இந்த படத்திற்கு சந்தோஷ் நாராயணன் இசையமைக்க இருக்கிறார். இந்த படத்தில் சூர்யாவுக்கு ஜோடியாக நடிகை பூஜா ஹெக்டே நடிக்க இருப்பதாக கூறப்பட்ட நிலையில் இதுகுறித்து அறிவிப்பு இன்று வெளிவரலாம் என்று எதிர்பார்க்கப்படுகிறது.

Unveiling the crew of #Suriya44 🔥

Get ready to meet them! Today 6 PM 🕕 #LoveLaughterWar ❤️‍🔥#AKarthikSubbarajPadam 📽️@Suriya_Offl @karthiksubbaraj @Music_Santhosh @rajsekarpandian @kaarthekeyens @stonebenchers pic.twitter.com/GloR7brmGp

— 2D Entertainment (@2D_ENTPVTLTD) May 29, 2024