தளபதி விஜய் நடித்த 'சர்கார்' திரைப்படத்தின் டீசர் இன்று மாலை 6 மணிக்கு வெளியாகவுள்ளதை இன்று காலை முதலே விஜய் ரசிகர்கள் சமூக வலைத்தளங்களை மெர்சலாக்க தொடங்கிவிட்டனர். இன்று தமிழ் சினிமாவின் மிகப்பெரிய படத்தின் டீசர் நாள் என்றும், இன்று இண்டர்நெட் அதிரப்போகின்றது என்றும், தளபதியின் முந்தைய சாதனையை இதுவரை எந்த படத்தின் டீசரும் முறியடிக்காததால், தளபதியின் படமே முறியடிக்க காத்திருப்பதாகவும் விஜய் ரசிகர்கள் சமூக வலைத்தளத்தில் பதிவு செய்து வருகின்றனர்

#SarkarTeaserDay என்ற ஹேஷ்டேக் இந்திய அளவில் தற்போது டிரெண்ட் ஆகி வரும் நிலையில் இன்று மாலை ஆறு மணிக்கு 'சர்கார்' டீசர் வெளிவந்தவுடன் நிச்சயம் ஒருசில நிமிடங்களில் டீசரின் ஹேஷ்டேக் உலக அளவில் டிரெண்ட் ஆகும் என எதிர்பார்க்கப்படுகிறது.

'சர்கார்' திரைப்படம் தீபாவளி அன்று வெளியாகவுள்ளதால் இன்று தொடங்கும் சர்கார்' டீசர் கொண்டாட்டம் நவம்பர் 6 வரை தொடரும் என எதிர்பார்க்கப்படுகிறது. மேலும் இன்று வெளியாகும் 'சர்கார்' டீசரை பெரிய திரையில் கண்டுகளிக்க சென்னை ரோஹினி திரையரங்கில் சிறப்பு ஏற்பாடு செய்யப்பட்டுள்ளது என்பது குறிப்பிடத்தக்கது