ఓం నమో వెంకటేశాయ షూటింగ్ ప్రారంభించేది ఆరోజే..
- IndiaGlitz, [Wednesday,June 22 2016]
కింగ్ నాగార్జున - ద‌ర్శ‌కేంద్రుడు రాఘ‌వేంద్ర‌రావు - స్వ‌ర‌వాణి కీర‌వాణి ఈ ముగ్గురు కాంబినేష‌న్ లో రూపొందుతున్న తాజా చిత్రం ఓం నమో వెంకటేశాయ. ఈ చిత్రాన్ని శిరిడి సాయి చిత్ర నిర్మాత మహేష్ రెడ్డి నిర్మిస్తున్నారు. వెంక‌టేశ్వ‌ర స్వామి భ‌క్తుడు హ‌థీరామ్ బాబా జీవిత చ‌రిత్ర ఆధారంగా ఈ చిత్రాన్నిరూపొందిస్తున్నారు.
ఈ చిత్రంలో అనుష్క, విమ‌లారామ‌న్, ప్ర‌గ్యా జైస్వాల్ న‌టిస్తున్నారు. ఇప్ప‌టి వ‌ర‌కు నాలుగు పాట‌ల రికార్డింగ్ పూర్తి చేసారు. ఈ భ‌క్తిర‌స చిత్రాన్ని జులై 2 నుంచి హైదరాబాద్ లో ప్రారంభించ‌నున్న‌ట్టు స‌మాచారం. అన్న‌మ‌య్య, శ్రీరామ‌దాసు చిత్రాల‌కు క‌థ అందించిన జె.కె.భార‌వి ఈ చిత్రానికి క‌థ అందించారు. నాగార్జున, రాఘ‌వేంద్ర‌రావు క‌ల‌యిక‌లో రానున్న ఈ నాలుగ‌వ భ‌క్తిర‌స చిత్రాన్ని సంక్రాంతి కానుక‌గా రిలీజ్ చేయ‌డానికి ప్లాన్ చేస్తున్నారు.