இன்று 'லியோ' நடிகையின் பிறந்தநாள்.. இன்றைய அப்டேட் இவரது கேரக்டர் தானா?
- IndiaGlitz, [Sunday,September 17 2023]
தளபதி விஜய் நடித்த ‘லியோ’ திரைப்படத்தின் அப்டேட்டுகள் இன்று முதல் வெளியாகும் என ஏற்கனவே லோகேஷ் கனகராஜ் கூறியிருந்த நிலையில் இன்னும் சில மணி நேரத்தில் இந்த படத்தின் அப்டேட் வெளியாகும் என்று கூறப்படுகிறது.
இந்த நிலையில் ‘லியோ’ படத்தில் நடித்த நடிகை பிரியா ஆனந்த் பிறந்தநாள் இன்று என்பதால் அவரது கேரக்டர் குறித்த போஸ்டர் வெளியாகலாம் என்று எதிர்பார்க்கப்படுகிறது.
ஏற்கனவே த்ரிஷாவின் பிறந்தநாளில், அர்ஜுன் பிறந்தநாளில், சஞ்சய் தத்தின் பிறந்தநாளில் அவர்களது கேரக்டர் குறித்த போஸ்டர் வெளியான நிலையில் இன்று பிரியா ஆனந்த் பிறந்தநாளில் அவரது கேரக்டர் குறித்த 'லியோ’ போஸ்டர் வெளியாக அதிக வாய்ப்பு இருப்பதாக கூறப்படுகிறது. இருப்பினும் ‘லியோ’ படத்தின் அப்டேட்டுகள் அடுத்தடுத்து வெளியாகும் என்று ரசிகர்கள் எதிர்பார்த்து வருகின்றனர்
விஜய், த்ரிஷா, சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மேத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் ஆகியோர் உள்பட பலர் ’லியோ’ படத்தில் நடித்துள்ளனர். இந்த படத்தை பெரும் பொருட்செலவில் லலித் தயாரித்து வருகிறார். லோகேஷ் கனகராஜ் இயக்கத்தில், அனிருத் இசையில், பிலோமின் ராஜ் படத்தொகுப்பில், சதீஷ்குமார் கலை இயக்கத்தில், அன்பறிவ் ஸ்டண்ட் இயக்கத்தில், தினேஷ் நடன இயக்கத்தில் இந்த படம் உருவாகி வருகிறது.