அடுத்த சூப்பர் ஸ்டார் அந்தஸ்தை நெருங்கி கொண்டிருக்கும் தளபதி விஜய், தமிழகத்தில் மட்டுமின்றி இந்தியாவின் முன்னணி நடிகர்களில் ஒருவர் என்பது தெரிந்ததே. அவர் நடிப்பில் சமீபத்தில் வெளியான 'மெர்சல்' திரைப்படம் இந்தியா முழுவதும் பெரும் பரபரப்பை ஏற்படுத்தியது. இவருக்கு தென்னிந்திய மாநிலங்கள் முழுவதிலும் மட்டுமின்றி உலகம் முழுவதும் ஏராளமான ரசிகர்கள் உள்ளனர். இவரது படம் வெளியாகும் தினம், ஒரு திருவிழா போல் அவரது ரசிகர்களால் கொண்டாடப்படுகிறது.

இந்த நிலையில் தளபதி விஜய் திரையுலகில் கதாநாயகனாக நுழைந்து 25 வருடங்கள் பூர்த்தியானதை கடந்த வருடம் அவரது ரசிகர்கள் கொண்டாடினர் என்பது தெரிந்ததே. ஆனால் இன்று அவரது திரையுலக வாழ்க்கையில் மிக முக்கியமான நாள்

ஆம், இதே பிப்ரவரி 17ஆம் தேதி 1984ஆம் ஆண்டு இயக்குனர் எஸ்.ஏ.சந்திரசேகர் இயக்கத்தில் விஜயகாந்த், விஜி நடித்த 'வெற்றி' என்ற திரைப்படம் வெளியானது. இந்த படத்தில் தான் முதல்முதலாக விஜய், குழந்தை நட்சத்திரமாக அறிமுகமானார். அவர் திரையில் முதல்முதலில் தோன்றிய இந்த தினத்தை அவரது ரசிகர்கள் சமூக இணையதளங்களில் உற்சாகமாக கொண்டாடி வருகின்றனர்