'சீமராஜா' சிவகார்த்திகேயனுக்கு இன்று பிரிவு உபச்சார விழா
- IndiaGlitz, [Tuesday,June 19 2018]
சிவகார்த்திகேயன், சமந்தா நடிப்பில் இயக்குனர் பொன்ராம் இயக்கத்தில் உருவாகியுள்ள 'சீமராஜா' திரைப்படத்தின் படப்பிடிப்பு இன்றுடன் முடிவடைகிறது. கடந்த ஒன்றரை ஆண்டுகளாக இந்த படத்திற்காக பணிபுரிந்த நடிகர்கள், நடிகைகள் மற்றும் தொழில்நுட்ப கலைஞர்களுக்கு இன்று பிரிவு உபச்சார விழா நடைபெறவுள்ளது.
இந்த படத்தில் பணிபுரிந்த அனைவரையும் ஒவ்வொருவராக பாராட்டி அவர்களுக்கு மாலை மரியாதை செய்ய தயாரிப்பாளர் ஆர்.டி.ராஜா முடிவு செய்துள்ளார். இதனால் படக்குழுவினர் நெகிழ்ச்சி அடைந்துள்ளனர். இன்று மாலை நடைபெறும் இந்த விழாவில் படக்குழுவினர் அனைவரும் கலந்து கொள்ளவுள்ளனர்,.
சிவகார்த்திகேயன், சமந்தா, சிம்ரன், நெப்போலியன், சூரி, யோகிபாபு, மனோபாலா, சதீஷ் உள்பட பலர் நடித்துள்ள இந்த படத்தில் கீர்த்திசுரேஷ் சிறப்பு தோற்றத்தில் நடித்துள்ளார். டி.இமான் இசையமைத்து வரும் இந்த படத்தில் பாலசுப்பிரமணியம் ஒளிப்பதிவும், விவேக் ஹர்ஷன் படத்தொகுப்பு பணியும் செய்துள்ளனர்.
இந்த படம் வரும் விநாயகர் சதுர்த்தி தினமான செப்டம்பர் 13ஆம் தேதி ரிலீஸாகவுள்ளதாக இந்த படத்தின் தயாரிப்பு நிறுவனமான 24ஏஎம் ஸ்டுடியோஸ் நிறுவனத்தின் சமூக வலைத்தள பக்கத்தில் ஏற்கனவே பதிவு செய்யப்பட்டுள்ளது என்பது குறிப்பிடத்தக்கது.