ட்ரீம் வாரியர் பிக்சர்ஸ் நிறுவனத்தின் எஸ்ஆர் பிரபு, தனது சமூக வலைதளத்தில் இன்று மாலை தனது அடுத்த தயாரிப்பு குறித்த அறிவிப்பு வெளியாக இருப்பதாக கூறி ஒரு போஸ்டரையும் வெளியிட்டுள்ளார். அந்த போஸ்டர் தற்போது இணையத்தில் வைரலாகி வருகிறது.

தமிழ் திரையுலகின் தயாரிப்பு நிறுவனங்களில் ஒன்றான ட்ரீம் வாரியர் பிக்சர்ஸ் பல வெற்றிப் படங்களை தயாரித்துள்ளது. இந்நிலையில் இந்நிறுவனம் தயாரிக்க இருக்கும் அடுத்த படத்தின் அறிவிப்பு இன்று மாலை 6 மணிக்கு அறிவிக்க இருப்பதாக கூறி அதன் போஸ்டர் தற்போது வெளியாகியுள்ளது.

இந்த போஸ்டரை பார்க்கும்போது, இது ஒரு வரலாற்று கதை அம்சம் கொண்ட திரைப்படமாக இருக்கும் என்று தெரிகிறது. இன்று மாலை 6 மணிக்கு வெளியாக இருக்கும் இந்த படம், சூர்யா நடிக்க இருக்கும் 45 ஆவது படம் என்று கூறப்படுவது பரபரப்பை ஏற்படுத்தி உள்ளது. ஒரு சிலர் இந்த படம் ’கைதி 2’ படத்தின் அறிவிப்பு வெளியாக இருப்பதாகவும் கூறுகிறார்கள்.

மொத்தத்தில், இன்று மாலை 6 மணிக்கு வெளியாக இருக்கும் இந்த படம் யாருடைய படம் என்பதை பொறுத்திருந்து பார்ப்போம்.

6PM🔥🔥🔥 pic.twitter.com/aiWpYVaTj6

— SR Prabu (@prabhu_sr) October 14, 2024