தளபதியின் 'மெர்சலுடன்' கனெக்சன் ஆன ஜெயம் ரவியின் 'டிக் டிக் டிக்
- IndiaGlitz, [Saturday,September 16 2017]
கோலிவுட் திரையுலகின் இளையதலைமுறை நடிகர்களில் ஒருவராகிய ஜெயம் ரவி நடித்து வரும் 'டிக் டிக் டிக்' படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் முக்கிய தகவல் ஒன்று விரைவில் வெளிவரவுள்ளதாக வந்த செய்தியை ஏற்கனவே பார்த்தோம். இந்த நிலையில் அந்த செய்தி தற்போது வெளிவந்துள்ளது.
'டிக் டிக் டிக்' படத்தின் தமிழக ரிலீஸ் உரிமையை தேனாண்டாள் நிறுவனம் மிகப்பெரிய தொகைக்கு பெற்றுள்ளது என்பதே அந்த செய்தி. தேனாண்டாள் நிறுவனம் ஏற்கனவே பெரிய பட்ஜெட்டில் தளபதி விஜய்யின் 'மெர்சல்' படத்தை தயாரித்து வரும் நிலையில் தற்போது ஜெயம் ரவி படத்தின் ரிலீஸ் உரிமையையும் பெற்றுள்ளது என்பது குறிப்பிடத்தக்கது. சரியான ஒரு நிறுவனத்திற்கு இந்த படத்தின் ரிலீஸ் உரிமை சென்றுள்ளதால் மிகப்பெரிய அளவில் புரமோஷன் செய்யப்பட்டு ரசிகர்களிடம் இந்த படம் குறித்த தகவல்கள் போய்ச்சேரும் என்று எதிர்பார்க்கப்படுகிறது
இவ்வருட இறுதியில் வெளியாகும் என்று எதிர்பார்க்கப்படும் இந்த படத்தில் ஜெயம் ரவி, ஆரோன் அஜிஸ், நிவேதா, ஜெயப்பிரகாஷ், ரமேஷ் திலக், வின்செண்ட் அசோகன் உள்பட பலர் நடித்துள்ளனர். டி.இமான் இசையமைத்துள்ள இந்த படத்திற்கு வெங்கடேஷ் ஒளிப்பதிவும், ப்ரதீப் ராகவ் படத்தொகுப்பும் செய்கிறார். இந்த படத்தை 'நாய்கள் ஜாக்கிரதை' படத்தின் இயக்குனர் சக்தி செளந்திரராஜன் இயக்கி வருகிறார்.