త‌మిళ హీరో విశాల్ నిర్మాత‌ల సంఘం అధ్య‌క్షుడిగా.. న‌డిగ‌ర్ సంఘం ప్ర‌ధాన కార్య‌ద‌ర్శిగా కూడా బాధ్య‌త‌ల‌ను నిర్వ‌హిస్తున్నారు. ఇందులో నిర్మాత‌ల సంఘం విష‌యానికి వ‌స్తే విశాల్‌పై వ్య‌తిరేక‌త నెల‌కొంది. ఇన్నాళ్లు అంత‌ర్గతంగా ఉన్న నిర‌స‌న నేడు ర‌చ్చ‌కెక్కింది.

విశాల్ వ్య‌తిరేక వ‌ర్గం ఆయ‌న‌కు వ్య‌తిరేకంగా నిర‌స‌న చేప‌ట్టారు. నిర్మాత‌ల సంఘం కార్యాల‌యానికి తాళాలు వేసి.. ఆ తాళం చెవుల‌ను ద‌గ్గ‌ర‌లోని పోలీస్ స్టేష‌న్‌లో అప్ప‌గించారు. శుక్ర‌వారం 9 సినిమాలు విడుద‌ల‌వుతున్నాయి.

ఇన్ని సినిమాలు ఒకేసారి విడుద‌లైతే చిన్న సినిమాల ప‌రిస్థితేంట‌ని వ్య‌తిరేక వ‌ర్గం ప్ర‌శ్నిస్తుంది. 50 మంది నిర్మాత‌లు విశాల్‌కు వ్య‌తిరేకంగా నిర‌స‌న చేప‌ట్టారు. విశాల్ లేక‌పోవ‌డంతో కౌన్సిల్ సెక్ర‌ట‌రీ క‌దిరేశ‌న్‌తో వాగ్వాదానికి దిగారు. ఈ నిర‌స‌న ఎంత దూరం వెళుతుందో చూడాలి.