ஜல்லிக்கட்டு நடத்தியே தீர வேண்டும் என்று இளைஞர்கள் பட்டாளம் மெரீனாவில் நேற்று காலை முதல் குவிந்துள்ளது. கடும் குளிரிலும் பெண்கள் உள்பட இளைஞர்கள் விடிய விடிய போராட்டம் நடத்தி வருகின்றனர்.

மாணவர்களுடன் பேச்சுவார்த்தை நடத்த தமிழக அமைச்சர்கள் முன்வந்தபோதிலும் இந்த முறை பேச்சுவார்த்தையோடு கலைந்துவிடும் கூட்டம் அல்ல, இந்த கூட்டம் என்றும், ஜல்லிக்கட்டு வழக்கிற்கான தீர்ப்பு எங்களுக்கு வேண்டும் என்றும் போராட்டக்காரர்கள் தெரிவித்துள்ளனர்.

போராட்டத்தில் கலந்து கொண்ட இளம்பெண் ஒருவர் கூறியபோது, 'நாங்கள் மூன்று வருடம் பொறுத்துவிட்டோம், இனியும் பொறுமையாக இருக்க முடியாது. அரசுக்கு நாங்கள் 3 நாள் கெடு விதிக்கின்றோம். இந்த மூன்று நாட்களில் இந்த பிரச்சனை முடிவுக்கு வரவில்லை என்றால் எங்கள் அனைவருடைய ரேசன் கார்டு, ஆதார் கார்டு, வாக்காளர் அடையாள அட்டை ஆகிவற்றை திருப்பி கொடுப்போம் அல்லது எரிப்போம்' என்று கூறினார்.