ஏ.ஆர்.ரஹ்மானின் கோரிக்கையை ஏற்று சென்னை எழும்பூரில் இசை அருங்காட்சியகம் அமைக்கப்படும் என அமைச்சர் மாஃபா பாண்டியராஜன் அறிவித்துள்ளார்.

சமீபத்தில் பேட்டியளித்த இசைப்புயல் ஏ.ஆர்.ரஹ்மான், ‘ தமிழகத்தில் இசை அருங்காட்சியகம் அமைத்தால் நன்றாக இருக்கும் என்றும், பக்கத்து மாநிலமான கர்நாடகாவின் பெங்களூருவில் இசைக்கு என அருங்காட்சியகம் இருப்பதாகவும், அதேபோல் தமிழ்நாட்டிலும் இசை அருங்காட்சியகம் அமைக்க ஆலோசனை செய்து கொண்டிருப்பதாகவும், அதற்கு அரசாங்கத்தின் உதவி தேவைப்படும் என்றும் கூறியிருந்தார்.

இந்த நிலையில் இன்று முதல்வர் சென்னை திரும்புவதை அடுத்து அவரை வரவேற்க விமான நிலையம் வந்திருந்த அமைச்சர் மாஃபா பாண்டியராஜனிடம் ஏ.ஆர்.ரஹ்மானின் கோரிக்கை குறித்து செய்தியாளர்கள் கேட்டபோது, ‘ஏ.ஆர்.ரகுமானின் கோரிக்கையை ஏற்று சென்னை எழும்பூரில் இசை அருங்காட்சியகம் அமைக்கப்படும் என்றார். மேலும் சிறுகதை, நாவல் பிரிவில் கல்கி பெயரில் விரைவில் விருது வழங்க நடவடிக்கை எடுக்கப்படும் என்றும் அமைச்சர் தெரிவித்தார்.