அஜித் நடித்த ’துணிவு’ மற்றும் விஜய் நடித்த ’வாரிசு ஆகிய இரண்டு திரைப்படங்களும் நாளை பிரமாண்டமாக வெளியாக உள்ளது என்பதும் குறிப்பாக அதிகாலை காட்சிகள் திரையிட திட்டமிடப்பட்டுள்ளது என்பது தெரிந்ததே. அஜித் நடித்த ’துணிவு’ அதிகாலை ஒரு மணிக்கும், விஜய் நடித்த ’வாரிசு அதிகாலை 5 மணிக்கும் திரையிடப்பட உள்ளதாக கூறப்படுகிறது.

இந்த நிலையில் சற்றுமுன் தமிழக அரசு பிறப்பித்த உத்தரவில் ஜனவரி 13 முதல் 16 வரை அதிகாலை காட்சிகள் ரத்து செய்யப்படுவதாக அறிவிக்கப்பட்டுள்ளது. மேலும் திரையரங்குகளில் உயரமான பேனர்கள் வைக்கவும் பேனர்களுக்கு பால் அபிஷேகம் செய்யவும் தடை விதிக்கப்பட்டுள்ளது.

ஜனவரி 13 முதல் 16 வரை அதிகாலை காட்சிகள் ரத்து செய்யப்பட்டதால் விஜய், அஜித் ரசிகர்கள் அதிர்ச்சி அடைந்தாலும், நாளை மற்றும் நாளை மறுநாள் அதாவது ஜனவரி 11, 12 ஆகிய இரு நாட்களும் அதிகாலை காட்சிக்கு அனுமதி உண்டு என்பதால் ரசிகர்கள் நிம்மதி அடைந்துள்ளனர்.