தமிழக ஆளுநர் மாளிகையில் பணிபுரிந்து வந்த ஊழியர்கள் சிலருக்கு கொரோனா உறுதி செய்யப்பட்டதை அடுத்து இன்று காலை தமிழக ஆளுநர் பன்வாரிலால் புரோகித் அவர்கள் சென்னை ஆழ்வார்பேட்டையில் உள்ள தனியார் மருத்துவமனையில் பரிசோதனை செய்து கொண்டார் என்ற செய்தியை ஏற்கனவே பார்த்தோம்

இந்த நிலையில் சற்று முன்னர் ஆளுநரின் பரிசோதனை முடிவில் அவருக்கு கொரோனா தொற்று உறுதி செய்யப்பட்டிருப்பதாக ஆழ்வார்பேட்டை தனியார் மருத்துவமனை தெரிவித்துள்ளது. இதனை அடுத்து ஆளுநர் பன்வாரிலால் புரோகித் அவர்கள் ஆளுனர் மாளிகையில் தன்னைத்தானே தனிமைப்படுத்தி கொள்ள அந்த தனியார் மருத்துவமனை அறிவுறுத்தியுள்ளது

ஆளுநர் பன்வாரிலால் புரோகித் அவர்களுக்கு அறிகுறியற்ற கொரோனா தொற்று உறுதியாகியுள்ளதாகவும், கொரோனா பாசிட்டிவ் என்றாலும், அவரது உடல் சீராக இருப்பதாகவும் அந்த மருத்துவமனை அறிக்கை ஒன்றில் தெரிவித்துள்ளது