'துணிவு' , 'வாரிசு' சிறப்பு காட்சிகளில் திடீர் மாற்றம்: தமிழக அரசு உத்தரவு
- IndiaGlitz, [Thursday,January 12 2023]
அஜித் நடித்த ’துணிவு’ மற்றும் விஜய் நடித்த ‘வாரிசு’ ஆகிய இரண்டு திரைப்படங்களும் நேற்று வெளியாகியது என்பதும் இரண்டு படங்களுக்குமே பாசிட்டிவ் விமர்சனங்கள் குவிந்து வருகிறது என்பதையும் பார்த்து வருகிறோம்.
இந்த நிலையில் நேற்றும் இன்றும் சிறப்பு காட்சிகளுக்கு அனுமதி அளிக்கப்பட்டிருந்த நிலையில் ஜனவரி 13 முதல் 16 வரை சிறப்பு காட்சிகளுக்கு அனுமதி ரத்து செய்யப்படுவதாக தமிழக அரசு கடந்த சில நாட்களுக்கு முன்னால் உத்தரவு பிறப்பித்து இருந்தது.
இந்த நிலையில் தமிழக அரசு அந்த உத்தரவில் சில மாற்றம் செய்துள்ளது. அதன்படி ஜனவரி 13 மற்றும் 18 ஆகிய தேதிகளில் திரைப்பட சிறப்பு காட்சிகள் அனுமதி அளித்து ரசாணை வெளியிட்டுள்ளது. இதனால் நேற்று வெளியாகியுள்ள ’துணிவு’ ‘வாரிசு’ ஆகிய இரண்டு திரைப்படங்களுக்கும் இன்றும் நாளையும் சிறப்பு காட்சி திரையிடப்படுவதோடு, ஜனவரி 18ஆம் தேதியும் சிறப்பு காட்சி உண்டு என்பது உறுதி செய்யப்பட்டுள்ளது.
தமிழ் திரைப்படம் விநியோகிஸ்தர்கள் சங்கத்தின் கோரிக்கையை ஏற்று தமிழக அரசு இந்த அரசாணையை வெளியிட்டுள்ளது என்பது குறிப்பிடத்தக்கது.