கோலிவுட் திரையுலகில் இருந்து ஒரே நேரத்தில் இரண்டு பெரிய நடிகர்களான ரஜினி, கமல் ஆகியோர்களின் அரசியல் வருகை, அரசியல் தலைவர்களிடையே பெரும் பரபரப்பை ஏற்படுத்தியுள்ளது. இதற்கு முன்னர் பல நடிகர்கள் கட்சி ஆரம்பித்தபோது இல்லாத பயம், இந்த இரண்டு பேர்களை பார்த்து ஆளுங்கட்சி மற்றும் எதிர்க்கட்சி ஆகிய இரண்டு கட்சிகளுக்கும் ஏற்பட்டுள்ளதாக தெரிகிறது.

சமீபத்தில் நடந்த திமுக மண்டல மாநாட்டில் பேசிய அனைவருமே ரஜினி, கமலை விமர்சனம் செய்து பேசினார்கள். அதேபோல் இன்று திருமண நிகழ்ச்சி ஒன்றில் பேசிய முதலமைச்சர் எடப்பாடி பழனிச்சாமியும் கமல், ரஜினி ஆகிய இருவரின் அரசியல் வருகையை விமர்சனம் செய்து பேசினார். அவர் பேசியதாவது:

சில பேர் அரசியலில் புதிது புதிதாக புறப்பட்டுள்ளார்கள். காலி இடத்தை நிரப்ப போகின்றார்களாம். எங்கய்யா காலி இடம் இங்கே இருக்குது. இங்க எல்லாம் புல் ஆயிட்டது, நீங்கள் வேற மாநிலத்திற்கு சென்று பாருங்கள் தமிழ்நாட்டில் இடமில்லை என்று முதல்வர் கூறினார்.