అక్కినేని ఫ్యామిలీ హీరో సుమంత్ చాలా గ్యాప్ త‌రువాత ఓ సినిమా చేస్తున్నారు. ఈ చిత్రాన్ని నూత‌న ద‌ర్శ‌కుడు మ‌ల్లిక్ రామ్ తెర‌కెక్కిస్తున్నారు. బాలీవుడ్ మూవీ విక్కీడోన‌ర్ చిత్రానికి రీమేక్ గా రూపొందిన‌ ఈ చిత్రంలో సుమంత్ స‌ర‌స‌న ప‌ల్ల‌వి సుభాష్ హీరోయిన్ గా న‌టించింది. షూటింగ్ పూర్తి చేసుకున్న ఈ చిత్రం ప్ర‌స్తుతం పోస్ట్ ప్రొడ‌క్ష‌న్ వ‌ర్క్ జ‌రుపుకుంటుంది.

ఈ చిత్రానికి టైటిల్ నారి నారి డోనారి అని గ‌త కొన్ని రోజులుగా ప్ర‌చారం జ‌రిగింది. అయితే..తాజాగా ఈ చిత్రానికి న‌రుడా డోన‌రుడా అనే వెరైటీ టైటిల్ ఫిక్స్ చేసారంటూ ప్ర‌చారం జ‌రుగుతుంది. త్వ‌ర‌లోనే టైటిల్ & రిలీజ్ డేట్ అఫిషియ‌ల్ గా ఎనౌన్స్ చేయ‌నున్నారు. మ‌రి...ఈ సినిమా అయినా సుమంత్ కి బ్రేక్ ఇస్తుందేమో చూడాలి.