கேப்டன் விஜயகாந்த் மகன் சண்முகப்பாண்டியன் நடிக்கும் அடுத்த படம் குறித்த அறிவிப்பு கடந்த மாதம் வெளிவந்தது என்பதை ஏற்கனவே பார்த்தோம். இயக்குனர் சிறுத்தை சிவா இயக்கிய 'வீரம்', 'வேதாளம்', மற்றும் 'விவேகம்' ஆகிய படங்களில் உதவி இயக்குனராக பணிபுரிந்த பூபாலன் என்பவர் இயக்கவிருக்கும் இந்த படத்தில் சண்முகப்பாண்டியன் ஹீரோவாக, முதல்முறையாக போலீஸ் கேரக்டரிலும் நடிக்கவுள்ளார். இவருக்கு ஜோடியாக ரோனிகா சிங் என்ற நடிகை நடிக்க ஒப்பந்தம் செய்யப்பட்டிருந்தார்

இந்த நிலையில் சற்றுமுன் இந்த படத்தின் டைட்டில் போஸ்டர் வெளியானது. இந்த படத்திற்கு 'மித்ரன்' என்ற டைட்டில் வைக்கப்பட்டுள்ளது. கேப்டன் விஜயகாந்த் பல படத்தில் போலீஸ் கேரக்டரில் நடித்து மிரட்டியது போல் இந்த படத்தில் சண்முகப்பாண்டியன் தனது தந்தையை போல் மிரட்டுவாரா என்பதை பொறுத்திருந்து பார்ப்போம்

அருண்ராஜ் இசையில் ரூபன் படத்தொகுப்பில் உருவாகவுள்ள இந்த படத்தில் முக்கிய கேரக்டர் ஒன்றில் வம்சிகிருஷ்ணா நடிக்கவுள்ளார். இந்த படத்தை ஜி எண்டர்டெயினர்ஸ் நிறுவனம் தயாரிக்கவுள்ளது