టిక్‌టాక్: నోట్లో ఇరుక్కున్న మౌత్ ఆర్గాన్.. కక్కలేక..!
- IndiaGlitz, [Sunday,February 02 2020]
సరదా కోసం చేసే పనులు ఒక్కోసారి ప్రాణసంకటమవుతాయి. ఇలాంటి ఘటనలు ఎన్నెన్నో మనం చూసే ఉంటాం. ఇదిగో కెనడాకు చెందిన టిక్‌టాక్ యూజర్ చేసిన ఓ పని ఇప్పుడామెను ఆస్పత్రిపాలుచేసింది. వివరాల్లోకి వెళితే.. మోలీ ఓబ్రియన్ అనే యువతి మౌత్ ఆర్గాన్‌తో ప్రయోగం చేసి .. అందరితో చీవాట్లు తింటోంది. తన సోదరి కోసం మౌత్ ఆర్గాన్ ప్లే చేద్దామనుకున్న మోలీ.. ఏకంగా దాన్నే నోట్లో పెట్టేసుకుంది. అది కాస్తా.. బయటకు రాక తీవ్ర ఇబ్బందుల పాలైంది. మింగలేక.. కక్కలేక అన్న పరిస్థితి ఎదురైంది. దీంతో ఆమె శ్వాస తీసుకున్న ప్రతిసారీ సంగీతం వినపడుతోంది. ఇక చేసేది లేక హాస్పిటల్‌కు పరిగెత్తింది. ఇదిలా ఉండగా.. హాస్పిటల్‌కు వెళ్లేముందు ఓ టిక్ టాక్ వీడియో చేసింది. ఆ వీడియో ఇప్పుడు వైరల్ అయ్యింది.