அமரர் ஊர்தி மற்றும் ஆம்புலன்ஸ் ஓட்டும் டிரைவர்களுக்கு இலவச டிக்கெட் வழங்கப்படும் என நாளை வெளியாகும் திரைப்படத்தின் படக்குழு அறிவித்துள்ளது.

நடிகர் விமல் நடிப்பில், மைக்கேல் ராஜா என்பவர் இயக்கத்தில் உருவாகியுள்ள திரைப்படம் ’போகுமிடம் வெகுதூரம் இல்லை’. இந்த படத்தின் படப்பிடிப்பு முடிவடைந்து நாளை வெளியாக இருக்கும் நிலையில் இந்த படத்தின் குழுவினர் ஒரு முக்கிய அறிவிப்பை வெளியிட்டுள்ளனர்.

அதாவது நாளை முதல் நாள் மட்டும் இந்த படத்தின் டிக்கெட் அமரர் ஊர்தி மற்றும் ஆம்புலன்ஸ் ஓட்டுநர்களுக்கு இலவசம் என அறிவித்துள்ளது. அமரர் ஊர்தி, ஆம்புலன்ஸ் ஓட்டுநர்கள் தங்கள் அடையாள அட்டையை 9884849790 என்ற எண்ணுக்கு வாட்ஸ்அப் அனுப்பினால் இலவச டிக்கெட்டுக்களை பெற்றுக் கொள்ளலாம் என படக்குழு அறிவித்துள்ளது.

விமல் நாயகனாக நடித்திருக்கும் இந்த படத்தில் கருணாஸ், நரேன், பவன், அருள் தாஸ், தீபா சங்கர், வேல ராமமூர்த்தி உள்ளிட்டோர் நடித்துள்ளனர். இந்த படத்தின் பர்ஸ்ட் லுக் போஸ்டர், டிரைலர் ஆகியவை சமீபத்தில் வெளியாகி நல்ல வரவேற்பை பெற்றது என்பது குறிப்பிடத்தக்கது.