தளபதி விஜய் நடிக்க இருக்கும் ‘தளபதி 65’ படத்தில் தான் நடிப்பதாக வெளிவந்த தகவலுக்கு ’துப்பாக்கி’ வில்லன் மறுப்பு தெரிவித்துள்ளார்.

தளபதி விஜய் நடிப்பில் இயக்குனர் நெல்சன் இயக்கவிருக்கும் ’தளபதி 65’ படத்தின் பூஜை சமீபத்தில் நடந்தது என்பதும் இந்த படத்தின் இரண்டு நாள் படப்பிடிப்பு நடைபெற்று வருவதாகவும் தகவல்கள் வெளிவந்து கொண்டிருக்கின்றன.

இந்த நிலையில் இந்த படத்தில் நடிக்கும் நடிகர் நடிகைகள் குறித்த அதிகாரபூர்வ அறிவிப்பு இன்னும் வெளிவராத நிலையில் இந்த படத்தில் வித்யுத் ஜம்வால் வில்லனாக நடிக்க இருப்பதாக சமூகவலைதளங்களில் ஒரு கருத்து பரவி வருகிறது. ’துப்பாக்கி’ படத்திற்கு பிறகு மீண்டும் விஜய் மற்றும் வித்யூத் இணைய இருப்பதாக தகவல் வந்திருப்பதால் விஜய் ரசிகர்கள் மத்தியில் பெரும் பரபரப்பு ஏற்பட்டுள்ளது.

இந்த நிலையில் இது குறித்து கருத்து கூறிய வித்யூத் ஜமால் ’இப்படி ஒரு செய்தி உண்மையானால் எனக்கு மகிழ்ச்சிதான். ’ஐ எம் வெயிட்டிங்’. ஆனால் இப்பொழுது வரை இந்த தகவல் முழுக்க முழுக்க பொய்யானது’ என்று கூறியுள்ளார்.