விக்ரம்பிரபு நடிப்பில் தினேஷ் செல்வராஜ் இயக்கத்தில் உருவாகியிருக்கும் 'துப்பாக்கி முனை' திரைப்படத்தின் டீசர் சற்றுமுன் வெளியாகியுள்ளது.

அதிரடி ஆக்சன் படமான இந்த படத்தில் விக்ரம்பிரபு என்கவுண்டர் ஸ்பெஷலிஸ்ட்டாக நடித்துள்ளார். நாம் சாப்பிடும் ஒவ்வொரு அரிசியிலும் நம்முடைய பெயர் இருக்கின்றது என்பது உண்மையானால், என் துப்பாக்கியில் உள்ள ஒவ்வொரு தோட்டாவிலும் குற்றவாளிகளின் ஜாதகம் இருக்கும் என்பது என் நம்பிக்கை என்ற வசனத்துடன் டீசர் தொடங்குகிறது.

ஆக்சன், கார் சேஸிங் குறிப்பாக ஒரு காரை சுற்றி வரும் பத்து கார்கள் என ஆக்சன் பிரியர்களுக்கு விருந்தளிக்கும் வகையில் டீசரின் காட்சிகள் உள்ளது. ராசமதியின் கேமிரா, புவன் ஸ்ரீனிவாசனின் எடிட்டிங் குறிப்பாஅக அன்பறிவ் சண்டைக்காட்சிகள் டீசரில் அட்டகாசமாக உள்ளது. அதேபோல் ஒரு ஆக்சன் படத்துக்குரிய முத்துகணேஷின் பின்னணி இசையும் சிறப்பாக உள்ளது. கலைப்புலி எஸ்.தாணு அவர்களின் பிரமாண்டமான தயாரிப்பில் உருவாகியுள்ள இந்த படம் ஆக்சன் பிரியர்களுக்கான விருந்து என்பது டீசரில் இருந்தே தெரிகிறது.


இந்த படத்தின் டீசரை பார்த்த பிரபல இயக்குனர் மணிரத்னம், படக்குழுவினர்களை பாராட்டியது, படக்குழுவினர்களுக்கு பெரும் உற்சாகத்தை அளித்துள்ளது என்பது குறிப்பிடத்தக்கது.