'வாரிசு' படத்தை தான் முதலில் பார்ப்பேன்.. எச்.வினோத் கூறிய ஆச்சரியமான காரணம்!
- IndiaGlitz, [Sunday,December 18 2022]
விஜய் நடித்த ’வாரிசு’ மற்றும் அஜித் நடித்த ’துணிவு’ ஆகிய இரண்டு திரைப்படங்களும் பொங்கல் விருந்தாக ஜனவரி 12ஆம் தேதி வெளியாகும் என்று எதிர்பார்க்கப்படுகிறது.
அஜித் விஜய் ஆகிய இருவருக்குமே கோடிக்கணக்கான ரசிகர்கள் இருக்கும் நிலையில் அந்தந்த ரசிகர்கள் ’வாரிசு’ மற்றும் ’துணிவு’ படத்தை முதல் நாள் முதல் காட்சி பார்ப்பார்கள். ஆனால் நடுநிலை ரசிகர்கள் முதலில் எந்த படத்தை பார்பார்கள் என்பது மிகப்பெரிய கேள்விக்குறி.
இந்த நிலையில் பல பிரபலங்களிடம், வாரிசு, ’வாரிசு’ ஆகிய இரண்டு படங்களில் எந்தப் படத்தை பார்ப்பீர்கள் முதலில் பார்ப்பீர்கள் என்ற கேள்வி கேட்கப்பட்டு வருகிறது. அந்த கேள்வியால் பல பிரபலங்கள் தர்மசங்கடத்தில் உள்ளனர்.
இந்த நிலையில் ’துணிவு’ படத்தின் இயக்குனர் எச்.வினோத்திடம் இந்த கேள்வி கேட்கப்பட்டபோது அவர் சற்றும் தயங்காமல் ஒரு ஆச்சரியமான பதிலைக் கூறினார். விஜய்யின் ’வாரிசு’ படத்தை தான் முதலில் பார்ப்பேன் என்றும் ஏனெனில் ஒரு இயக்குனராக 'துணிவு’ படத்தை நான் ஏற்கனவே பல முறை பார்த்துவிட்டேன் என்று கூறியுள்ளார்.
எனவே விஜய் நடித்த ’வாரிசு’ படத்தின் முதல் நாள் முதல் காட்சியின் போது சென்னையில் உள்ள ஏதாவது ஒரு திரையரங்கில் எச்.வினோத்தை ரசிகர்கள் நிச்சயம் பார்க்கலாம்.