'துணிவு' 'வாரிசு' ரிலீஸ் தேதி இதுதான்.. முன்பதிவில் கசிந்த தகவல்!
- IndiaGlitz, [Wednesday,December 28 2022]
அஜித் நடித்த ’துணிவு’ மற்றும் விஜய் நடித்த ‘வாரிசு’ ஆகிய இரண்டு திரைப்படங்களும் பொங்கல் திருநாளில் வெளியாக உள்ளதை அடுத்து இரு படங்களின் புரமோஷன் பணிகள் விறுவிறுப்பாக நடைபெற்று வருகிறது.
இந்த நிலையில் இரண்டு படங்களும் பொங்கல் திருநாளில் வெளியாக உள்ளதாக அறிவிக்கப்பட்டிருந்த போதிலும் சரியான ரிலீஸ் தேதி இன்னும் அறிவிக்கப்படவில்லை. சென்சார் தகவல் கிடைத்தவுடன் தான் அதிகாரபூர்வ ரிலீஸ் தேதி படக்குழுவினர்களிடம் இருந்து அறிவிக்கப்படும் என்று கூறப்படுகிறது.
இந்த நிலையில் அமெரிக்காவில் இந்திய நேரப்படி ஜனவரி 12 ஆம் தேதி அதிகாலை 3 மணி காட்சிக்காக ‘வாரிசு’ மற்றும் ‘துணிவு’ ஆகிய இரண்டு படங்களுக்கும் டிக்கெட் புக் செய்யப்பட்டுள்ளது. இதனையடுத்து இந்த இரண்டு படங்களும் ஜனவரி 12ஆம் தேதி ரிலீசாக இருப்பது கிட்டத்தட்ட உறுதி செய்யப்பட்டுள்ளது.
தமிழகத்தில் கிட்டத்தட்ட அனைத்து தியேட்டர்களிலும் ’துணிவு’ மற்றும் ‘வாரிசு’ ஆகிய திரைப்படங்கள் தான் திரையிட இருப்பதாகவும், சிங்கிள் தியேட்டர் உள்ள ஊர்களில் இரண்டு படங்களும் தலா இரண்டு காட்சிகள் திரையிட இருப்பதாகவும் கூறப்படுகிறது.