கர்ப்பமாக இருக்கும்போது தலைகீழாக யோகா: 'துணிவு' நடிகர் மனைவியின் அதிர்ச்சி வீடியோ
- IndiaGlitz, [Sunday,January 08 2023]
அஜித் நடித்த ‘துணிவு’ திரைப்படம் வரும் 11ம் தேதி வெளியாக இருக்கும் நிலையில் இந்த படத்தில் முக்கிய கேரக்டரில் நடித்த நடிகரின் மனைவி கர்ப்பமாக இருக்கும் நிலையில்தான் அவர் தலைகீழாக யோகா செய்து இருக்கும் வீடியோவை வெளியிட்டது பெரும் அதிர்ச்சியை ஏற்படுத்தி உள்ளது.
பா ரஞ்சித் இயக்கிய ‘சார்பாட்டா பரம்பரை’ என்ற திரைப்படத்தில் நடித்தவர் நடிகர் ஜான் கொகைன் என்பதும் அவர் தற்போது அஜீத் நடித்துள்ள ‘துணிவு’ படத்தில் முக்கிய கேரக்டரில் நடித்துள்ளார் என்பதும் தெரிந்ததே.
இந்த நிலையில் ஜான் கொகைன் மனைவி பூஜா ராமச்சந்திரன் தற்போது கர்ப்பமாக இருக்கும் நிலையில் அது குறித்த புகைப்படங்களை அவர் தனது இன்ஸ்டாகிராமில் வெளியிட்டு வருகிறார். அந்த வகையில் அவர் கடந்த சில நாட்களுக்கு முன்னர் தலைகீழாக யோகா செய்யும் வீடியோவை வெளியிட்டுள்ள நிலையில் அந்த வீடியோவை பார்த்து ரசிகர்கள் அதிர்ச்சி அடைந்துள்ளனர்.
கர்ப்பமாக இருக்கும் இந்த நிலையில் இது போன்ற ரிஸ்க்கான யோகா தேவையா? என்று அவருக்கு பலர் அறிவுரை கூறி வருகின்றனர். இருப்பினும் பூஜா ராமச்சந்திரன் தகுந்த பயிற்சியாளரை அருகில் வைத்துக்கொண்டு தான் இதுபோன்ற யோகாவை அவர் செய்து வருகிறார் என்று கூறப்படுகிறது.