அனிருத்தின் 'புதுசாட்டம்' ரிலீஸ் தேதி அறிவிப்பு
- IndiaGlitz, [Thursday,April 04 2019]
சூப்பர் ஸ்டார் ரஜினிகாந்த் நடிப்பில் ஏ.ஆர்.முருகதாஸ் இயக்கும் 'தலைவர் 167' திரைப்படம், கமல்ஹாசன் நடிப்பில் ஷங்கர் இயக்கும் 'இந்தியன் 2' உள்பட பிரபலங்களின் படங்களுக்கு இசையமைத்து வரும் இசையமைப்பாளர் அனிருத் இசையமைத்து வரும் படங்களில் ஒன்று 'தும்பா'.
ஹரிஷ் ராம் என்பவர் இயக்கி வரும் இந்த படத்தின் படப்பிடிப்பு விறுவிறுப்புடன் நடந்து வரும் நிலையில் இந்த படத்தின் சிங்கிள் பாடலான 'புதுசாட்டம்' என்ற பாடல் நாளை மாலை 5 மணிக்கு வெளியாகவுள்ளதாக அறிவிக்கப்பட்டுள்ளது. இந்த அறிவிப்பு அனிருத் ரசிகர்களை உற்சாகமாக்கியுள்ளது.
தர்ஷன், கீர்த்தி பாண்டியன், கலக்கு போவுது யாரு புகழ் தீனா உள்பட பலர் நடித்து வரும் இந்த படம் தமிழ், தெலுங்கு, இந்தி மற்றும் மலையாளம் என நான்கு மொழிகளில் தயாராகி வருகிறது. அனிருத், விவேக்-மெர்வின், சந்தோஷ் தயாநிதி ஆகியோர் இணைந்து இந்த படத்திற்கு இசையமைக்கின்றனர். நரேன் எலன் ஒளிப்பதிவில், கலைவாணன் படத்தொகுப்பில் இந்த படம் வளர்ந்து வருகிறது.