இன்று அமெரிக்கா செல்லும் ரஜினியை சந்தித்த பாஜக பிரபலம்
- IndiaGlitz, [Monday,April 23 2018]
சூப்பர் ஸ்டார் ரஜினிகாந்த் இன்றிரவு அமெரிக்காவுக்கு செல்லவுள்ள நிலையில் சற்றுமுன் அவரை துக்ளக் ஆசிரியரும், பாஜக பிரமுகருமான குருமூர்த்தி சந்தித்து பேசியுள்ளார். ரஜினியின் போயஸ் தோட்ட இல்லத்தில் நடந்த இந்த சந்திப்பு சுமார் ஒரு மணி நேரம் நடந்தது
ரஜினிகாந்த் விரைவில் அரசியல் கட்சியை தொடங்கி அரசியல் களத்தில் இறங்கவுள்ள நிலையில் அவரை ஒருசில அரசியல்வாதிகள் பாஜகவின் ஆதரவாளர் என்றும், காவியின் தூதுவர் என்றும் விமர்சனம் செய்து வருகின்றனர். ஆனால் ரஜினிகாந்த் சமீபத்தில் அளித்த பேட்டி ஒன்றில் தனக்கு பின்னால் பாஜக இல்லை என்றும், மக்களும் ஆண்டவனும் மட்டுமே உள்ளனர் என்றும் கூறியிருந்தார்
இந்த நிலையில் பாஜகவின் ஆதரவாளரும், தமிழக அரசை வழிநடத்துபவர் என்று கூறப்படுபவருமான குருமூர்த்தி, ரஜினியை சந்தித்துள்ளது பரபரப்பை ஏற்படுத்தியுள்ளது.