பாடகர் எஸ்பி பாலசுப்ரமணியம் அவர்கள் கடந்த 5ஆம் தேதி கொரோனாவால் பாதிக்கப்பட்டு சிகிச்சை பெற்று வருகிறார் என்பதும் அவரது உடல்நிலை தற்போது கவலைக்கிடமாக இருக்கிறது என்பதும் தெரிந்ததே. இந்த நிலையில் எஸ்பி பாலசுப்பிரமணியம் அவர்கள் விரைவில் குணமாகி வீடு திரும்ப வேண்டும் என அவரது கோடிக்கணக்கான ரசிகர்கள் தொடர்ந்து பிரார்த்தனை செய்து வருகின்றனர். ரசிகர்களின் பிரார்த்தனையின் பலனாக அவர்கள் விரைவில் குணமாவார் என்று எதிர்பார்க்கப்படுகிறது

இந்த நிலையில் எஸ்பிபியின் பழைய புகைப்படங்கள் மற்றும் வீடியோக்கள் சமூக வலைதளங்களில் வைரல் ஆகி வருகிறது. இலங்கையைச் சேர்ந்த பேராசிரியர் ஒருவர் கண் பார்வை பாதிக்கப்பட்டு இருந்த போது அவருக்கு ஆறுதல் கூறிய எஸ்பிபியின் வீடியோ வைரல் ஆனது குறித்து காலையில் பார்த்தோம். இந்த நிலையில் தற்போது நடிகர் திலகம் சிவாஜி கணேசனுடன் எஸ்பிபி இருக்கும் ஒரு பழைய புகைப்படம் ஒன்று தற்போது சமூக வலைதளங்களில் வைரலாகி வருகிறது

சிவாஜி கணேசன் நடித்த ’சுமதி என் சுந்தரி’ என்ற படத்திற்காக எஸ்பிபி பாடிய ’பொட்டு வைத்த முகமோ’ என்ற பாடலின் ஒலிப்பதிவின் போது இந்த புகைப்படம் எடுக்கப்பட்டது என்பது குறிப்பிடத்தக்கது. இந்த புகைப்படத்தில் சிவாஜி கணேசன் மற்றும் எஸ்பிபி ஆகிய இருவருமே இளமை தோற்றத்தில் உள்ளனர் என்பதும் குறிப்பாக எஸ்பிபியின் இளமை தோற்றத்தை பார்த்த ரசிகர்கள் மற்றும் நெட்டிசன்கள் எஸ்பிபியா இவர்? என ஆச்சரியப்பட்டு வருகின்றனர் என்பது குறிப்பிடத்தக்கது

இந்த நிலையில் எஸ்பிபி அவர்கள் நல்ல முறையில் குணமடைந்து விரைவில் வீடு திரும்ப வேண்டும் என சிவாஜிகணேசனின் மகன் பிரபு அவர்கள் பிரார்த்தனை செய்துள்ளார். எஸ்பிபி அவர்கள் நமக்கு கிடைத்த ஒரு பொக்கிஷம் என்றும் அவர் கண்டிப்பாக மீண்டு, மீண்டும் பாட வேண்டும் என்றும் அவர் தனது பிரார்த்தனையால் கேட்டுக்கொண்டுள்ளார்