టాలీవుడ్ కి ఈ సంవ‌త్స‌రంలో ఆగ‌స్టు నెల బాగానే క‌లిసొచ్చింది. ఎంత‌లా అంటే.. గ‌త మూడు వారాలుగా వారానికో హిట్ సినిమా ప‌డుతోంది. ఈ వ‌రుస‌లో మొద‌టగా చెప్పుకోవాల్సిన చిత్రం నేనే రాజు నేనే మంత్రి. ఆగ‌స్టు 11న విడుద‌లైన ఈ చిత్రంలో రానా, కాజ‌ల్, కేథ‌రిన్ హీరోహీరోయిన్స్‌గా న‌టించారు. ఇక ఆ త‌రువాత వారంలో అంటే.. ఆగ‌స్టు 18న వ‌చ్చిన చిన్న చిత్రం ఆనందో బ్ర‌హ్మ కూడా మంచి హిట్ అయింది. తాప్సీ, శ్రీ‌నివాస రెడ్డి, వెన్నెల కిషోర్‌, ష‌క‌ల‌క శంక‌ర్‌, తాగుబోతు రమేష్ ప్ర‌ధాన పాత్ర‌ల్లో న‌టించిన సినిమా ఇది.

క‌ట్ చేస్తే.. మ‌ళ్లీ వారం త‌రువాత అంటే.. ఆగ‌స్టు 25న విడుద‌లైన అర్జున్ రెడ్డి కూడా స‌క్సెస్‌ఫుల్ గా ర‌న్ అవుతోంది. పెళ్లి చూపులు ఫేం విజ‌య్ దేవ‌ర‌కొండ టైటిల్ రోల్ లో న‌టించిన ఈ చిత్రం ఇప్ప‌టికే లాభాల బాట ప‌ట్టింది. ఏదేమైనా.. త‌క్కువ బ‌డ్జెట్‌తో రూపొందిన ఈ మూడు చిత్రాల విజ‌యాలు ప‌రిశ్ర‌మ‌కు కొత్త ఉత్సాహాన్ని ఇచ్చాయ‌న్న‌ది వాస్త‌వం. ఇదే బాట‌లో మ‌రిన్ని హిట్ సినిమాలు రావాల‌ని ఆశిద్దాం.