தளபதி விஜய் நடிக்கும் 63வது படமான 'தளபதி 63' படத்தின் பூஜை மற்றும் படப்பிடிப்பு நேற்று தொடங்கியது. முதல் ஷாட்டை விஜய் கிளாப் அடித்து தொடங்கி வைத்தார். நேற்று விஜய் சம்பந்தப்பட்ட ஒருசில காட்சிகள் படமாக்கப்பட்டதாக தகவல்கள் வெளிவந்துள்ளது.

இந்த நிலையில் நேற்று நடைபெற்ற 'தளபதி 63' படத்தின் பூஜை குறித்த ஸ்டில்கள் மற்றும் வீடியோ வெளிவந்துள்ளது. படக்குழுவினர்கள் மட்டுமே கலந்து கொண்ட இந்த பூஜையில் ஆனந்த்பாபு, டேனியல் பாலாஜி மற்றும் சாய்தீனா கலந்து கொண்டனர். இதில் இருந்து இவர்கள் மூவரும் இந்த படத்தின் வில்லன்களாக நடிக்க வாய்ப்பு இருப்பதாக கருதப்படுகிறது. விஜய் நடித்த முந்தைய படமான 'சர்கார்' படத்திலும் பழ.கருப்பையா, ராதாரவி மற்றும் வரலட்சுமி சரத்குமார் ஆகியா மூன்று நெகட்டிவ் கேரக்டர்கள் இருந்தன என்பது குறிப்பிடத்தக்கது.

அட்லி இயக்கத்தில் ஏ.ஆர்.ரஹ்மான் இசையில் ஏ.ஜி.எஸ் நிறுவனத்தின் தயாரிப்பில் முத்துராஜ் கலை இயக்கத்தில் ஜிகே விஷ்ணு ஒளிப்பதிவில் ரூபன் படத்தொகுப்பில் இந்த படம் உருவாகி வருகிறது. மேலும் 'வில்லு' படத்திற்கு பின் 10 வருடம் கழித்து விஜய்யுடன் லேடி சூப்பர் ஸ்டார் நயன்தாரா இணைந்து நடிக்கவுள்ளார் என்பது குறிப்பிடத்தக்கது