మూడు నెల‌ల్లో... మూడు సినిమాలు
- IndiaGlitz, [Wednesday,May 16 2018]
గ‌తేడాది ఆరు చిత్రాల‌ను విడుద‌ల చేయ‌డ‌మే కాకుండా.. డబుల్ హ్యాట్రిక్ విజ‌యాల‌తో నిర్మాత‌గా టాక్ ఆఫ్ ది టాలీవుడ్ అయ్యారు దిల్ రాజు. ఈ ఏడాది కూడా వ‌రుస చిత్రాల‌తో సంద‌డి చేసేందుకు ఆయ‌న స‌న్నాహాలు చేసుకుంటున్నారు. ముఖ్యంగా.. వ‌రుస‌గా మూడు నెల‌ల పాటు త‌న సంస్థ నుంచి సినిమాలు వ‌చ్చేలా రాజు ప్లాన్ చేసుకున్నార‌ని తెలుస్తోంది.
కాస్త వివ‌రాల్లోకి వెళితే.. రాజ్ త‌రుణ్ కథానాయకుడిగా అలా ఎలా ఫేమ్ అనీష్ కృష్ణ ద‌ర్శ‌క‌త్వంలో దిల్ రాజు నిర్మించిన ల‌వ‌ర్ చిత్రం జూలైలో విడుద‌ల కానుండ‌గా.. నితిన్ హీరోగా శ‌త‌మానం భ‌వ‌తి ఫేమ్ స‌తీష్ వేగేశ్న రూపొందిస్తున్న శ్రీ‌నివాస క‌ళ్యాణం ఆగ‌స్టు నెల‌లో విడుద‌ల కానుంది.
అలాగే రామ్, అనుప‌మ ప‌ర‌మేశ్వ‌ర‌న్‌, ప్ర‌ణీత హీరోహీరోయిన్లుగా త్రినాథ‌రావ్ న‌క్కిన ద‌ర్శ‌క‌త్వంలో రాజు నిర్మిస్తున్న ప్రేమ‌క‌థా చిత్రం హ‌లో గురు ప్రేమ కోస‌మే సెప్టెంబ‌ర్‌లో సంద‌డి చేయ‌నుంది. మొత్తానికి.. నెల‌కో సినిమాతో వ‌రుస‌గా మూడు నెల‌ల పాటు దిల్ రాజు సంస్థ నుంచి సినిమాలు రానున్నాయ‌న్న‌మాట.