'விக்ரம்' படத்தில் விஜய்சேதுபதிக்கு 3 ஹீரோயின்களா? யார் யார்?
- IndiaGlitz, [Thursday,December 16 2021]
உலக நாயகன் கமல்ஹாசன் நடித்து வரும் ’விக்ரம்’ திரைப்படத்தில் விஜய் சேதுபதி வில்லனாக நடித்து வரும் நிலையில் அவருக்கு ஜோடியாக மூன்று ஹீரோயின்கள் நடித்து வருவதாக வெளிவந்திருக்கும் தகவல் பெரும் ஆச்சரியத்தை ஏற்படுத்தி உள்ளது.
உலகநாயகன் கமல்ஹாசன் நடிப்பில், லோகேஷ் கனகராஜ் இயக்கத்தில், அனிருத் இசையில் உருவாகி வரும் திரைப்படம் ’விக்ரம்’. இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் இந்த படத்தின் வில்லன் கேரக்டரில் விஜய் சேதுபதியும் மற்றொரு முக்கிய கேரக்டரில் பகத்பாசில் நடித்து வருகிறார் என்பது குறிப்பிடத்தக்கது.
இந்த நிலையில் விஜய் சேதுபதி ஜோடியாக பிக்பாஸ் ஷிவானி நாராயணன் நடித்து வருகிறார் என்றும், அதே போல் விஜய் டிவி பிரபலம் மைனா நடித்து வருகிறார் என்றும் கூறப்பட்டது. இந்த நிலையில் தற்போது மகேஸ்வரி என்ற நடிகையும் நடித்து வருவதாகவும், ஆக மொத்தம் விஜய் சேதுபதிக்கு இந்த படத்தில் மூன்று ஹீரோயின்கள் என்றும் கூறப்படுகிறது. இந்த தகவல் ரசிகர்களுக்கு பெரும் ஆச்சரியத்தை அளித்துள்ளது என்பது குறிப்பிடத்தக்கது.
கமல்ஹாசனின் ராஜ்கமல் பிலிம்ஸ் இண்டர்நேஷனல் நிறுவனம் தயாரிக்கும் இந்தப் படத்தில் ஒளிப்பதிவாளராக கிரிஷ் கங்காதரன் பணிபுரிந்து வருகிறார் என்பதும் இந்த படம் அடுத்த ஆண்டு மார்ச் அல்லது ஏப்ரல் மாதம் ரிலீஸ் செய்ய படக்குழுவினர் திட்டமிட்டுள்ளனர் என்பது குறிப்பிடத்தக்கது.