கடந்த 2015ஆம் ஆண்டு உலக நாயகன் கமல்ஹாசன் நடித்த பாபநாசம், உத்தமவில்லன் மற்றும் தூங்காவனம் ஆகிய மூன்று திரைப்படங்கள் வெளியாகியது. இவற்றில் பாபநாசம் மற்றும் தூங்காவனம் நல்ல வசூலை பெற்றது. குறிப்பாக பாபநாசம் திரைப்படம் ரூ.100 கோடி கிளப்பில் இணைந்தது என்பது குறிப்பிடத்தக்கது. இந்நிலையில் இந்த வருடமும் அதேபோல் மூன்று திரைப்படங்களை கமல் வெளியிட மெகா திட்டம் தீட்டியுள்ளதாக கூறப்படுகிறது..

வரும் ஏப்ரல் மாதம் கமல்ஹாசன் - ஸ்ருதிஹாசன் நடிக்கும் படப்பிடிப்பு ஆரம்பமாகி இரண்டே மாதங்களில் அந்த படத்தின் படப்பிடிப்பு முடிந்துவிடும் என்றும், அதன் பின்னர் தூங்காவனம் இயக்குனர் ராஜேஷ் செல்வாவுடன் இணைந்து ஒரு படத்தில் கமல் நடிக்கவுள்ளதாகவும் இந்த இரண்டு படங்களையும் இவ்வருடத்திற்குள் வெளியிட கமல் முடிவு செய்துள்ளதாகவும் கூறப்படுகிறது.

மேலும் நீண்ட நாட்களாக கிடப்பில் உள்ள 'விஸ்வரூபம் 2' படத்தையும் அவர் இவ்வருடம் ரிலீஸ் செய்ய உறுதி செய்துள்ளதாகவும் செய்திகள் வெளிவந்துள்ளது. எனவே கடந்த ஆண்டை போலவே இந்த வருடமும் கமல் ரசிகர்கள் அவர் நடித்த மூன்று படங்களை பார்த்து ரசிக்க அதிக வாய்ப்புள்ளது என்பது குறிப்பிடத்தக்கது.