డైరెక్టర్‌ శంకర్‌ను ఆకట్టుకున్న మూడు సినిమాలు
- IndiaGlitz, [Wednesday,December 09 2020]
కోలీవుడ్ స్టార్ డైరెక్టర శంకర్‌.. సినీ అభిమానులకు పరిచయం అక్కర్లేని పేరు. కమల్‌హాసన్‌తో భారతీయుడు 2ను స్టార్ట్‌ చేసిన సంగతి తెలిసిందే. అయితే ఈ సినిమాకు ఏదో ఒక అడ్డంకి ఏర్పడుతూనే ఉంది. సెట్‌లో భారీ క్రేన్‌ ప్రమాదం జరగడంతో కొన్నిరోజుల పాటు షూటింగ్‌ను ఆపేశారు. తర్వాత కోవిడ్‌ ప్రభావం ప్రారంభం కావడంతో సినిమా మళ్లీ ఆగిపోయింది. ఇప్పుడు క్రమంగా స్టార్స్‌ అందరూ సినిమాలను సెట్స్‌పైకి తీసుకెళుతున్నారు. కానీ.. శంకర్‌ పరిస్థితి అలా లేదు. అసలు భారతీయుడు 2పై సందేహాలు నెలకొన్నాయి.
ఈ నేపథ్యంలో శంకర్‌ తనకు దొరికిన ఖాళీ సమయంలో సినిమాలు చూస్తున్నారు. ఈ మధ్య కాలంలో శంకర్‌ చూసిన సినిమాల్లో మూడు సినిమాలు ఆయన్ని బాగా ఆకట్టుకున్నాయి. ఆ మూడు సినిమాల గురించి ఆయన ప్రత్యేకంగా ప్రస్తావిస్తూ.. ప్రశంసిస్తూ ట్వీట్‌ చేయడం విశేషం.
ముందుగా శంకర్‌ ఆకాశం నీ హద్దురా సినిమా గురించి ప్రస్తావిస్తూ జీవీ ప్రకాశ్‌ సినిమాకు అద్భుతమైన సంగీతాన్ని అందించారని, తన సంగీతంతో జీవీ సినిమాకు ప్రాణం పోశారని ఆయన తెలిపారు. అలాగే అంధకారం సినిమా కూడా తనకు బాగా నచ్చిందని చెప్పిన శంకర్‌.. ఆ సినిమాకు ఎడ్విన్‌ సాకే అద్భుతమైన విజువల్స్ అందించారని అన్నారు.
ఇక చివరిగా ఆస్కార్‌ రేసులో నిలిచిన మలయాళ చిత్రం జల్లికట్టు గురించి చెబుతూ ప్రశాంత్‌ పిళ్లై ఎక్స్‌ట్రార్డినరీ బ్యాగ్రౌండ్‌ స్కోర్‌ ఇచ్చారన్నారు శంకర్‌.