விக்னேஷ் சிவன் அடுத்த படத்தில் 3 பிரபல இயக்குனர்கள்.. 'லியோவுடன் கனெக்சன்..!
- IndiaGlitz, [Sunday,November 12 2023]
விக்னேஷ் சிவன் இயக்கத்தில் உருவான ’காத்து வாக்குல ரெண்டு காதல்’ என்ற திரைப்படம் கடந்த ஆண்டு வெளியான நிலையில் அதை அடுத்து அவரது இயக்கத்தில் உருவாகும் படம் இன்னும் வெளியாகவில்லை. அஜித் நடிக்க இருக்கும் படத்தை அவர் இயக்குவதாக அறிவிக்கப்பட்டிருந்த நிலையில் அந்த படம் டிராப் ஆகிவிட்டது.
இந்த நிலையில் தற்போது விக்னேஷ் சிவன் இயக்க இருக்கும் அடுத்த படம் குறித்த தகவல் கசிந்துள்ளது. விக்னேஷ் சிவன் இயக்கத்தில் உருவாக இருக்கும் திரைப்படத்தில் பிரதீப் ரங்கநாதன் முக்கிய கேரக்டரில் நடிக்க இருக்கிறார் என்று கூறப்பட்ட நிலையில் தற்போது மிஷ்கின் மற்றும் எஸ்ஜே சூர்யா ஆகிய இருவரும் முக்கிய கேரக்டரில் இந்த படத்தில் நடிக்க இருப்பதாக தகவல் வெளியாகி உள்ளன.
மொத்தத்தில் விக்னேஷ் சிவனின் அடுத்த படத்தில் எஸ்ஜே சூர்யா, மிஸ்கின் மற்றும் பிரதீப் ரங்கநாதன் ஆகிய மூன்று இயக்குனர்கள் இணைந்துள்ளனர்.
மேலும் இந்த படத்திற்கு அனிருத் இசையமைக்க இருப்பதாகவும் இந்த படத்தை ’லியோ’ படத்தை தயாரித்த 7 ஸ்க்ரீன் ஸ்டுடியோ நிறுவனம் தயாரிக்க இருப்பதாகவும் கூறப்படுகிறது. இந்த படம் லவ் மற்றும் மொபைல் போன் டெக்னாலஜி இணைந்த கதையம்சம் கொண்டது என்றும் இந்த படத்தின் அதிகாரபூர்வ அறிவிப்பு விரைவில் அறிவிக்கப்பட இருப்பதாகவும் கூறப்படுகிறது.