ఈ నెల 29 త‌ర్వాత మూడు నెల‌ల వ‌ర‌కు మంచి ముహుర్తాలు లేక‌పోవ‌డంతో...చాలా సినిమాలును ఈనెల 29 లోపు ప్రారంభిస్తున్నారు. అయితే.. ఈనెల 27 నుంచి 29వ‌ర‌కు ఈ మూడు రోజుల్లో ఐదుగురు మెగా హీరోల చిత్రాలు ప్రారంభం అవుతుండ‌డం విశేషం. ఇంత‌కీ ఆ ఐదుగురు మెగా హీరోల చిత్రాల వివ‌రాలు ఏమిటంటే... ఈరోజు ప‌వ‌ర్ స్టార్ ప‌వ‌న్ క‌ళ్యాణ్ - ఎస్.జె.సూర్య‌ల చిత్రం ప్రారంభ‌మ‌య్యింది. రేపు అన‌గా 28న వ‌రుణ్ తేజ్ హీరో శ్రీను వైట్ల ద‌ర్శ‌క‌త్వంలో రూపొందే చిత్రాన్ని ప్రారంభించ‌నున్నారు.

అల్లు శిరీష్ హీరోగా మ‌ల్లిడి వేణు ద‌ర్శ‌క‌త్వంలో రూపొందే చిత్రాన్ని కూడా రేపు ప్రారంభిస్తున్నారు. ఆత‌ర్వాత 29న మెగాస్టార్ చిరంజీవి 150వ చిత్రం ప్రారంభిస్తున్నారు. ఈ చిత్రాన్ని వినాయ‌క్ ద‌ర్శ‌క‌త్వంలో రామ్ చ‌ర‌ణ్ నిర్మిస్తున్నారు. ఈ నెల 29 నే సుప్రీమ్ హీరో సాయిధ‌ర‌మ్ తేజ్ హీరోగా గోపీచంద్ మ‌లినేని ద‌ర్శ‌క‌త్వంలో రూపొందే చిత్రాన్నికూడా ప్రారంభిస్తున్నారు. ఒక రోజు గ్యాప్ లో ఒకే ఫ్యామిలీకి చెందిన ఐదుగురు హీరోల చిత్రాలు ప్రారంభం కావ‌డం విశేషం.