తొలిప్రేమ‌.. తెలుగు తెర‌పై సంచ‌ల‌నం సృష్టించిన ప్రేమ‌క‌థా చిత్ర‌మిది. ప‌వ‌ర్ స్టార్ ప‌వ‌న్ క‌ళ్యాణ్ క‌థానాయ‌కుడిగా ఎ.కరుణాక‌ర‌న్ ద‌ర్శ‌క‌త్వంలో రూపొందిన ఈ క్యూట్ ల‌వ్‌స్టోరీ ప్రేమ‌క‌థా చిత్రాల‌లో చెర‌గ‌ని సంత‌కం చేసింది. ఇప్పుడు ఇదే టైటిల్‌తో మ‌రో సినిమా రానుంది. మెగా ఫ్యామిలీకి చెందిన క‌థానాయ‌కుడే ఈ చిత్రాన్ని చేస్తుండ‌డం విశేషం. మెగా ప్రిన్స్ వ‌రుణ్ తేజ్ హీరోగా న‌టిస్తున్న ఈ చిత్రంలో రాశి ఖ‌న్నా హీరోయిన్‌గా న‌టిస్తోంది.

నూత‌న ద‌ర్శ‌కుడు వెంకీ అట్లూరి ఈ చిత్రాన్ని టేకాఫ్ చేస్తున్నాడు. యువ సంగీత ద‌ర్శ‌కుడు త‌మ‌న్ ఈ చిత్రానికి బాణీలు అందిస్తున్నారు. ఇదిలా ఉంటే.. ఈ చిత్రాన్ని ఫిబ్ర‌వ‌రి 9న విడుద‌ల చేయ‌నున్న‌ట్లు చిత్ర బృందం ప్ర‌క‌టించింది. తాజా స‌మాచారం ప్ర‌కారం.. ఈ సినిమా వాయిదా ప‌డే అవ‌కాశ‌ముంద‌ని వార్త‌లు వినిపిస్తున్నాయి. అదే రోజున సాయిధ‌ర‌మ్ తేజ్‌, వి.వి.వినాయ‌క్‌ల చిత్రంతో పాటు మ‌రో నాలుగు చిత్రాలు కూడా విడుద‌ల కానుండ‌డంతో ఇప్పుడు తొలి ప్రేమ రిలీజ్‌ని వాయిదా వేసుకున్న‌ట్లు టాలీవుడ్ వ‌ర్గాలు పేర్కొంటున్నాయి. త్వ‌ర‌లోనే దీనిపై క్లారిటీ వ‌స్తుంది.