'தொடரி' - 'ஆண்டவன் கட்டளை' சென்னை வசூல் விபரம்
- IndiaGlitz, [Monday,September 26 2016]
கடந்த வாரம் தனுஷ், கீர்த்திசுரேஷ் நடிப்பில் பிரபுசாலமன் இயக்கிய 'தொடரி' மற்றும் 'காக்கா முட்டை' மணிகண்டன் இயக்கத்தில் விஜய்சேதுபதி, ரித்திகாசிங் நடித்த 'ஆண்டவன் கட்டளை' ஆகிய இரு படங்கள் வெளிவந்தன. இந்நிலையில் இந்த படங்களின் சென்னை வார இறுதி வசூல் குறித்து தற்போது பார்ப்போம்.
தனுஷின் தொடரி' சென்னயில் 23 திரையரங்க வளாகங்களில் 325 காட்சிகள் திரையிடப்பட்டு ரூ.1,10,27,540 வசூல் செய்துள்ளது. திரையரங்குகளில் 80% பார்வையாளர்கள் நிரம்பியிருந்தனர். மேலும் கடந்த 22 முதல் 25 வரையிலான 4 நாட்களில் இந்த படம் சென்னையில் ரூ.1,58,36,140 வசூல் செய்துள்ளது என்பது குறிப்பிடத்தக்கது.
அதேபோல் விஜய்சேதுபதியின் 'ஆண்டவன் கட்டளை' சென்னையில் 15 திரையரங்க வளாகங்களில் 211 காட்சிகள் திரையிடப்பட்டு, ரூ.73,08,550 வசூல் செய்துள்ளது. திரையரங்குகளில் 95% பார்வையாளர்கள் நிரம்பியிருந்தனர் என்பது குறிப்பிடத்தக்கது. இந்த படம் விஜய்சேதுபதியின் பெஸ்ட் ஓப்பனிங் வசூல் படம் என்று கூறலாம்.