தளபதி விஜய் நடிப்பில் அட்லி இயக்கவுள்ள 'தளபதி 63' படத்தின் நாயகியாக 'கீதா கோவிந்தம் படத்தில் நடித்த ராஷ்மிகா நடிக்க வாய்ப்பு இருப்பதாக கூறப்பட்டது. ஆனால் இந்த படத்தின் நாயகியாக லேடி சூப்பர் ஸ்டார் நயன்தாரா சமீபத்தில் அறிவிக்கப்பட்டார். மேலும் இன்னொரு நாயகியாக 'மேயாத மான்' இந்துஜா அல்லது ஸ்ரீதிவ்யா நடிக்க வாய்ப்பு இருப்பதாக கூறப்படுகிறது.

இந்த நிலையில் 'தளபதி 63' படத்தின் கனவு நாயகி என ரசிகர்களால் அழைக்கப்பட்ட நடிகை ராஷ்மிகா தனது சமூக வலைத்தளத்தில் கூறியபோது, 'விஜய், அட்லி படத்தில் நான் நடிக்க வேண்டும் என்று ரசிகர்கள் விரும்பினர். ஆனால் இந்த தடவை அந்த வாய்ப்பு அமையவில்லை. இருப்பினும் விரைவில் விஜய் படத்தில் நடிப்பேன் என்று பதிவு செய்துள்ளார்.

மேலும் தனக்கு முழு ஆதரவு தரும் ரசிகர்களுக்கு தமிழில் 'நன்றி' என்று தெரிவித்து கொண்ட ராஷ்மிகா, விரைவில் தமிழ் படத்தில் அறிமுகமாவேன் என்று கூறியுள்ளார். ராஷ்மிகாவின் இந்த டுவீட்டை விஜய் ரசிகர்கள் அதிக அளவில் லைக், ஷேர் செய்து வருகின்றனர் என்பது குறிப்பிடத்தக்கது.

????❤️❤️ pic.twitter.com/gwk1R28th9

— Rashmika Mandanna (@iamRashmika) November 27, 2018