சன் டிவியில் ஒளிபரப்பாகி வரும் எதிர்நீச்சல் என்ற சீரியலில் ஆதி குணசேகரன் என்ற கேரக்டரில் நடித்த பிரபல குணச்சித்திர நடிகர் ஜி மாரிமுத்து திடீரென நேற்று காலமானது அந்த சீரியல் குழுவினர்களுக்கு மட்டுமின்றி சின்னத்திரை உலகையே அதிர வைத்தது. அவரது இறுதி சடங்கு இன்று அவரது சொந்த ஊரான வருசநாடு பகுதியில் நடந்தது.

இந்த நிலையில் எதிர்நீச்சல் சீரியலில் ஆதி குணசேகரன் கேரக்டரில் இனி யார் நடிப்பார்கள் என்ற கேள்வி ரசிகர்கள் மத்தியில் எழுந்தது. நேற்று ஜி மாரிமுத்து அவர்களின் உடலுக்கு இறுதி அஞ்சலி செலுத்த வந்த இயக்குனர் திருச்செல்வம் அவர்களிடம் இது குறித்து கேட்டபோது 'அதைப்பற்றி நாங்கள் இன்னும் யோசிக்கவே இல்லை’ என்று கூறினார்.

இந்த நிலையில் தற்போது வெளிவந்திருக்கும் தகவலின் படி பிரபல எழுத்தாளர் மற்றும் நடிகர் வேல ராமமூர்த்தி இந்த சீரியலில் ஆதி குணசேகரன் கேரக்டரில் நடிக்க பேச்சுவார்த்தை நடைபெற்று வருவதாக கூறப்படுகிறது. ஆதி குணசேகரன் கேரக்டரில் வேல ராமமூர்த்தி நடித்தால் எப்படி இருக்கும் என்பதை கமெண்ட் பகுதியில் தெரிவிக்கவும்.