நேற்றைய ரிலீஸ் படங்களின் முதல் நாள் வசூல் விபரம்
- IndiaGlitz, [Saturday,May 12 2018]
ஒவ்வொரு வாரமும் தயாரிப்பாளர் சங்கத்தின் திரைப்பட வெளியீட்டு குழுவின் பரிந்துரையின்படி மூன்று திரைப்படங்கள் வெளியாகி வரும் நிலையில் நேற்று விஷால், சமந்தா நடிப்பில் பி.எஸ்.மித்ரன் இயக்கிய 'இரும்புத்திரை', கீர்த்திசுரேஷ், துல்கர் சல்மான் நடிப்பில் நாக் அஸ்வின் இயக்கிய 'நடிகையர் திலகம் மற்றும் அருள்நிதி நடித்த 'இரவுக்கு ஆயிரம் கண்கள்' ஆகிய படங்கள் வெளியானது
இந்த நிலையில் இந்த மூன்று திரைப்படங்களின் முதல் நாள் சென்னை வசூல் குறித்த தகவல்கள் தற்போது வெளிவந்துள்ளது. இதன்படி விஷாலின் இரும்புத்திரை சென்னையில் ரூ.38 லட்சமும், அருள்நிதியின் 'இரவுக்கு ஆயிரம் கண்கள்' திரைப்படம் ரூ.19 லட்சமும், கீர்த்திசுரேஷின் நடிகையர் திலகம் ரூ.18 லட்சமும் வசூல் செய்துள்ளது.
இந்த வாரம் வெளியான மூன்று படங்களுக்கும் ஊடகங்களில் பாசிட்டிவ் விமர்சனங்கள் கிடைத்துள்ளதாலும் இன்றும் நாளையும் விடுமுறை தினம் என்பதாலும் இந்த இரண்டு நாட்களில் இந்த படம் நல்ல வசூலை குவிக்கும் என்று எதிர்பார்க்கப்படுகிறது