தளபதி விஜய் நடித்த ’லியோ’ திரைப்படம் மட்டுமே இந்த வாரம் திரையரங்குகளில் வெளியான நிலையில் ஓடிடியில் ‘கருமேகங்கள் கலைகின்றன’ உள்பட 3 திரைப்படங்கள் மற்றும் ஒரு சில தெலுங்கு மற்றும் மலையாள படங்களும் ஓடிடியில் வெளியாகின்றன. இது குறித்து தற்போது பார்ப்போம்.

தங்கர்பச்சான் இயக்கத்தில், பாரதிராஜா, கௌதம் மேனன்,, யோகி பாபு, அதிதி பாலன் உட்பட பலர் நடிப்பில் உருவான திரைப்படம் ’கருமேகங்கள் கலைகின்றன’. இந்த படம் கடந்த செப்டம்பர் மாதம் வெளியான நிலையில் தற்போது இந்த படம் சிம்ப்ளி சவுத் என்ற ஓடிடியில் வெளியாகி உள்ளது.

தே சிம்ப்ளி சவுத் ஓடிடியில் விமல் நடித்த ’துடிக்கும் கரங்கள்’’ திரைப்படமும் இந்த வாரம் வெளியாகியுள்ளது என்பது குறிப்பிடத்தக்கது. மேலும் ’ரெட் சாண்டல்’ என்ற தமிழ் படமும் டென்ட் கொட்டா ஓடிடியில் வெளியாகி உள்ளது.

மேலும் ‘கொரோனா தவான்’ என்ற மலையாள திரைப்படம் சைனா ப்ளே ஓடிடியில், ‘மேன்ஷன் 24’ என்ற தெலுங்கு படம் ஹாட்ஸ்டார் ஓடிடியில், மாமா மச்சேந்ந்திரா’ என்ற தெலுங்கு படம் ஆஹா ஓடிடியில் வெளியாகியுள்ளது. மேலும் ஹாட்ஸ்டாரில் அதர்வா நடித்த ‘மத்தகம்’ என்ற வெப் தொடரின் அடுத்த எபிசோட் வெளியாகியுள்ளது.