இந்த வார ஓடிடி ரிலீஸில் என்னென்ன படங்கள்?
- IndiaGlitz, [Thursday,January 20 2022]
ஒவ்வொரு வாரமும் வெள்ளிக்கிழமை திரையரங்குகளில் வெளியாகும் படங்களின் எண்ணிக்கைக்கு இணையாக ஓடிடி தளங்களிலும் திரைப்படங்கள் வெளியாகி வருகின்றன என்பதை பார்த்து வருகிறோம். அந்த வகையில் இந்த வாரம் ஓடிடியில் வெளியாகும் திரைப்படங்கள் என்னென்ன என்பதை பார்ப்போம்
முதல் நீ முடிவும் நீ: தர்புகா சிவாவின் இயக்கத்தில் உருவான ‘முதல் நீ முடிவும் நீ’ என்ற திரைப்படம் ஜீ தமிழ் ஓடிடியில் நாளை வெளியாகிறது. கடந்த 90களில் மாணவ-மாணவிகளுக்கு பள்ளி வாழ்க்கையில் நிகழ்ந்த சுவாரஸ்யமான சம்பவங்களின் கதையம்சம் கொண்டது இந்த படம் பார்வையாளர்களை தங்களுடைய பள்ளி வாழ்க்கைக்கு திரும்பி போகும் அளவுக்கு உணர்ச்சிகரமாக இருக்கும் என்றும் எதிர்பார்க்கப்படுகிறது.
தீர்ப்புகள் விற்கப்படும்: சத்யராஜ் நடிப்பில் தீரன் இயக்கிய இந்த படம் கடந்த ஆண்டு டிசம்பரில் திரையரங்குகளில் வெளியான நிலையில் நாளை டென்ட் கொட்டாய் என்ற ஓடிடியில் வெளியாகிறது என்பதும் இந்த படம் அமெரிக்காவில் உள்ள வாடிக்கையாளர்கள் மட்டும் பார்க்க முடியும் என்பது குறிப்பிடத்தக்கது
பேச்சிலர்: சமீபத்தில் திரையரங்கில் வெளியான ஜிவி பிரகாஷின் சூப்பர் ஹிட் படமான பேச்சிலர் திரைப்படம் சோனிலைவ் ஓடிடியில் வெளியாகவுள்ளது. இந்த படம் ஏற்கனவே நல்ல விமர்சனத்தை பெற்றுள்ள நிலையில் ஓடிடியிலும் நல்ல வரவேற்பை பெறும் என்று எதிர்பார்க்கப்படுகிறது.
இதுபோக பாலகிருஷ்ணா நடித்த ‘அகண்டா’ ஹாட்ஸ்டாரிலும், நானி, சாய்பல்லவி நடித்த ‘ஷியாம் சிங்கா ராய்’ என்ற படம் நெட்பிளிக்ஸ் ஓடிடியிலும் மேலும் ஒருசில தெலுங்கு, இந்தி மற்றும் மலையாள மொழி திரைப்படங்களும் ஓடிடியில் வெளியாகிறது.