மாஸ் நடிகர்களின் படங்கள் முதல் சின்ன பட்ஜெட் படங்கள் வரை ஒவ்வொரு வாரமும் ஓடிடியில் ரிலீசாகி வருகின்றன என்பதை பார்த்து வருகிறோம் .

இந்த நிலையில் இந்த வாரம் ஓடிடியில் ரிலீசாக இருக்கும் முக்கிய படமாக அஜித்தின் ’வலிமை’ படம் உள்ளது. இந்த படம் ஜீ5 ஓடிடி தளத்தில் மார்ச் 25ஆம் தேதி வெளியாக உள்ளது. ஏற்கனவே இந்த படத்தில் சென்டிமென்ட் காட்சிகள் அதிகம் இருப்பதால் குடும்பத்துடன் ஓடிடியில் பார்க்கும் படமாக உள்ளது.

அதேபோல் பவன் கல்யாண் மற்றும் ராணா நடிப்பில் திரையரங்கில் வெளியாகி மிகப்பெரிய வெற்றி பெற்ற ’பீம்லா நாயக்’ என்ற திரைப்படம் ஓடிடியில் வரும் 25ஆம் தேதி வெளியாகவுள்ளது.

மேலும் ஆஸ்கர் விருதுக்கு பரிந்துரை செய்யப்பட்ட சயின்ஸ் பிக்சன் திரைப்படமான 'டுயூன்’ என்ற திரைப்படம் அதே 25ஆம் தேதி அமேசான் ஓடிடியில் வெளியாக உள்ளது என்பது குறிப்பிடத்தக்கது.

மேலும் ஹாலிவுட்டின் ஆக்ஷன் திரில்லர் படமான ஹாலோ என்ற திரைப்படம் மார்ச் 24ஆம் தேதி அமேசான் ஓடிடியில் வெளியாகிறது என்பது குறிப்பிடத்தக்கது.