ஒவ்வொரு வாரமும் திரையரங்குகளில் புதிய திரைப்படங்கள் வெளியாகிக் கொண்டிருக்கும் நிலையில் திரையரங்குகளில் வெளியான ஒரே மாதத்தில் அந்த படங்கள் ஓடிடியிலும் வெளியாகி வருகின்றன என்பதை பார்த்து வருகிறோம்.

அந்த வகையில் வரும் 30ஆம் தேதி விஜய் சேதுபதி, நயன்தாரா நடித்த படங்கள் உள்பட 4 தமிழ் படங்கள் மற்றும் சில வேறு மொழிப் படங்கள் ஓடிடியில் வெளியாக உள்ளது

விஜய் சேதுபதி நடித்த ’டிஎஸ்பி’ என்ற திரைப்படம் சமீபத்தில் திரையரங்குகளில் வெளியான நிலையில் இந்த படம் நெட்பிளிக்ஸ் மற்றும் சன் நெக்ஸ்ட் ஆகிய ஓடிடியில் வெளியாகவிருக்கிறது

அல்போன்ஸ் புத்ரன் இயக்கத்தில் நயன்தாரா நடித்த ’கோல்ட்’ என்ற திரைப்படம் அமேசான் ப்ரைமில் வெளியாக உள்ளது. அதேபோல் விஷ்ணு விஷால் நடித்த ’கட்டா குஸ்தி’ என்ற திரைப்படம் நெட்பிளிக்ஸ் ஓடிடியில் வெளியாகவுள்ளது.

மேலும் ராஜ்கிரண், அதர்வா நடித்த ’பட்டத்து அரசன்’ திரைப்படம் நெட்பிளிக்ஸ் ஓடிடியில் வெளியாக உள்ளது மேலும் ’உடன்பால்’ என்ற தமிழ் திரைப்படமாக சிம்ப்ளி சவுத் என்ற ஓடிடியில் வெளியாக உள்ளது.

மேலும் ‘பட்டர்பிளை’ என்ற தெலுங்கு திரைப்படம் ஹாட்ஸ்டாரிலும், ShefeekkinteSanthosham என்ற மலையாளத் திரைப்படம் சிம்பிளி சவுத் ஓடிடியிலும் வெளியாக உள்ளது

மொத்தத்தில் இந்த வாரம் ஓடிடியில் பிரபலங்களின் படங்கள் வெளியாவதால் சினிமா ரசிகர்களுக்கு கொண்டாட்டமாக உள்ளது என்பது குறிப்பிடத்தக்கது.