ஒவ்வொரு வாரமும் வெள்ளிக்கிழமை திரையரங்குகளில் புதிய திரைப்படங்கள் ரிலீஸ் ஆவது போலவே ஓடிடியில் ஏற்கனவே ரிலீசான படங்கள் மற்றும் புதிய வெப் தொடர்கள் ரிலீஸ் ஆகி வருகின்றன என்பதை பார்த்து வருகிறோம். அந்த வகையில் இந்த வாரம் என்னென்ன திரைப்படங்கள் மற்றும் வெப் தொடர்கள் வெளியாகின்றன என்பதை பார்ப்போம்.

இந்த வாரம் ஆஹா ஓடிடியில் ‘தி பாய்ஸ்’ என்ற தமிழ் படம் வெளியாக உள்ளது. அதேபோல் அமேசான் ப்ரைம் ஓடிடியில் 'ஹாட்ஸ்பாட்’ என்ற தமிழ் படம் வெளியாக உள்ளதாக அறிவிக்கப்பட்டுள்ளது. கெளரி கிஷான், ஆதித்யா பாஸ்கர், சாண்டி, அம்மு அபிராமி, ஜனனி, கலையரசன் உள்ளிட்டோர் இந்த படத்தில் நடித்துள்ளனர்.

மேலும் ஜீ5 ஓடிடியில் 'தலைமை செயலகம்’ என்ற வெப் தொடர் வெளியாக உள்ளது. 8 எபிசோட் கொண்ட பொலிடிகல் சீரிஸில் கிஷோர், ஷ்ரியா ரெட்டி, ஆதித்யா மேனன் மற்றும் பரத் ஆகியோர் முக்கிய வேடங்களில் நடித்துள்ளனர். ஒரு பெண்ணின் இடைவிடாத அதிகார வேட்கை, பேராசை, வஞ்சகம் ஆகியவை பின்னிப்பிணைந்த தமிழக அரசியல் கதை தான் இந்த வெப் தொடர்.

மேலும் அமேசான் ப்ரைமில் ‘பிளிங்க்’ என்ற கன்னட திரைப்படம், ஆஹா ஓடிடியில் ‘வித்யா வசுலாஹம்’ என்ற தெலுங்கு படமும், ஆஹா ஓடிடியில் ‘சரத்துலு வர்திஸ்தாய்’ என்ற தெலுங்கு படமும் வெளியாக உள்ளது. மேலும் ஹாட்ஸ்டாரில் ‘பாகுபலி கிரெளன் ஆப் பிளட் என்ற அனிமேஷன் தொடர் வெளியாகவுள்ளது.