இந்த வாரம் தனலட்சுமி தான் டார்கெட்டா? நாமினேஷன் பட்டியல்!
- IndiaGlitz, [Monday,November 14 2022]
ஒவ்வொரு வாரமும் திங்கட்கிழமை பிக்பாஸ் வீட்டில் நாமினேஷன் படலம் நடைபெறும் என்றும் அன்றைய தினம் நாமினேஷனில் சிக்கியவர்கள் குறைந்த வாக்குகளின் அடிப்படையில் ஞாயிற்றுக்கிழமை எலிமினேட் செய்யப்படுவார்கள் என்பது தெரிந்ததே.
இதுவரை சாந்தி, அசல் கோலார், ஷெரினா, மகேஸ்வரி ஆகிய 4 பேர் எலிமினேட் செய்யப்பட்டுள்ள நிலையில் இன்று இந்த வாரத்திற்கான நாமினேஷன் சற்றுமுன் தொடங்கியது.
இந்த நாமினேஷன் பட்டியலில் ராபர்ட் மாஸ்டர், நிவாஸினி, ஜனனி, அசீம் மற்றும் தனலட்சுமி ஆகிய ஐவர் நாமினேட் செய்யப்பட்டுள்ளனர். ராபர்ட் மாஸ்டரை நாமினேஷன் செய்த விக்ரமன், ‘அவருக்கு இன்னொரு முகம் இருப்பதாக காரணம் கூறினார். ஏடிகே, அசீம் மற்றும் ராம் ஆகியோர் நிவாஷினியை நாமினேஷன் செய்து அவர் விளையாட்டை சீரியசாக எடுத்துக்கொள்ளவில்லை என்று கூறுகின்றனர்.
ஆயிஷா மற்றும் குயின்ஸி ஆகிய இருவரும் ஜனனியை நாமினேசன் செய்துள்ளனர். மைனா, குயின்ஸி ஆகியோர் அசீமை நாமினேஷன் செய்து அவர் பேர்சனல் அட்டாக் செய்கிறார் என்று குற்றம் சாட்டுகின்றனர். மைனா, ஆர்ஜே கதிரவன், மணிகண்டன் ஆகிய மூவரும் தனலட்சுமியை நாமினேஷன் செய்து அவர் ரொம்ப முரட்டுத்தனமாக விளையாடுகிறார் என்று கூறுகின்றனர்.
இந்த வாரம் தனலட்சுமியை குறிவைத்து போட்டியாளர்கள் நாமினேஷன் செய்துள்ளதாக தெரிகிறது. இருப்பினும் மக்கள் வாக்குகளின் அடிப்படையில் தனலட்சுமி எவிக்சனில் இருந்து தப்பிப்பாரா? இந்த வாரம் வெளியேறுவது யார் என்பதை பொறுத்திருந்து பார்ப்போம்.
#Day36 #Promo1 of #BiggBossTamil #BiggBossTamil6 - இன்று இரவு 9:30 மணிக்கு நம்ம விஜய் டிவில.. #BBTamilSeason6 #BiggBoss #பிக்பாஸ் #VijayTelevision @preethiIndia @NipponIndia pic.twitter.com/K5Ni1AyPKQ
— Vijay Television (@vijaytelevision) November 14, 2022