பிக்பாஸ் நிகழ்ச்சி கடந்த சில வாரங்களாக விறுவிறுப்பாக நடைபெற்று வரும் நிலையில் இன்று 40வது நாள் நிகழ்ச்சி ஒளிபரப்பாக உள்ளது என்பது குறிப்பிடத்தக்கது.

தற்போது நடைபெற்று வரும் அரண்மனை டாஸ்க் விறுவிறுப்பாக இருப்பதால் இன்றைய நிகழ்ச்சியும் விறுவிறுப்பாக இருக்கும் என்று எதிர்பார்க்கப்படுகிறது. குறிப்பாக இன்று ராபர்ட் மாஸ்டர் மற்றும் ரக்சிதாவுக்கு இடையே பிரச்சனை ஏற்பட்டதால் அது குறித்த காட்சிகள் இருக்கும் என்று எதிர்பார்க்கப்படுகிறது.

இந்த நிலையில் இந்த வாரம் நாமினேஷன் பட்டியலில் 7 போட்டியாளர்கள் இருந்த நிலையில் அவர்களில் நிவாஸினி, ஆயிஷா,ராபர்ட் மற்றும் குயின்ஸி ஆகிய நான்கு போட்டியாளர்கள் டேஞ்சர் ஜோனில் இருப்பதாக வெளியான செய்தியை ஏற்கனவே பார்த்தோம்.

அந்த வகையில் டேஞ்சர் ஜோனில் இருந்த அந்த நால்வரில் ஒருவரான நிவாஸினி இந்த வாரம் எவிக்சன் செய்யப்பட்டுள்ளதாக தகவல்கள் வெளியாகியுள்ளன. அசல் கோலார் வெளியேற்றப்பட்டதில் இருந்தே நிவாஸினி விருப்பமில்லாமல் இந்த விளையாட்டை விளையாடியதாக கூறப்பட்ட நிலையில் அவர் வெளியே சென்றதும் முதல் வேலையாக அசல் கோலாரை நேரில் சந்திப்பார் என்று எதிர்பார்க்கப்படுகிறது.