ఈసారి చైతుతో
- IndiaGlitz, [Thursday,June 22 2017]
మాస్‌ పల్స్‌ బాగా తెలిసిన దర్శకుడు బోయపాటి శ్రీను. ప్రస్తుతం బోయపాటి శ్రీను దర్శకత్వంలో 'జయ జానకి నాయిక' సినిమా రూపొందుతోంది. బెల్లంకొండ శ్రీనివాస్‌ హీరోగా నటిస్తున్నాడు. సినిమాలో రెండు సాంగ్స్‌ మాత్రమే పెండింగ్‌ ఉన్నాయి. ఈ సినిమా తర్వాత బోయపాటి శ్రీనుని నాగచైతన్యతో సినిమా చేయమని అన్నపూర్ణ స్టూడియోస్‌ బ్యానర్‌ సంప్రదించిందట.
బోయపాటికి అందుకు తగిన విధంగా దాదాపు పన్నెండు కోట్లు రెమ్యునరేషన్‌ ఆఫర్‌ చేశారని సమాచారం. ఇప్పటి వరకు మాస్‌ ఇమేజ్‌కు దూరంగా ఉన్న చైతు బోయపాటితో సినిమా అంటే మాస్‌ ఇమేజ్‌ కోసం ప్రయత్నిస్తున్నట్లే. అలాగే తదుపరి వెంటనే బోయపాటి, అఖిల్‌ కాంబినేషన్‌లో కూడా సినిమా ఉండొచ్చని అంటున్నారు. మొత్తానికి నాగార్జున తన తనయుల కోసం అసలు కాంప్రమైజ్‌ కాకూడదని భావిస్తున్నాడు కాబట్టే ఖర్చుకు ఎక్కడా వెనుకాడటం లేదని తెలుస్తుంది.